2025-04-07 19:33:52, 884 ნახვა
საზოგადოება
რიყე-ნარიყალას დამაკავშირებელი საბაგირო გზა 8 აპრილიდან დროებით არ იმუშავებს
თბილისის მერიის ცნობით, რიყე-ნარიყალას დამაკავშირებელი საბაგირო გზა 8 აპრილიდან მგზავრებს დროებით ვერ მოემსახურება. მერია მიზეზად "ტექნიკური რეგლამენტით გათვალისწინებულ სამუშაოებს" ასახელებს.
"საბაგირო გზაზე განხორციელდება გეგმური ინსპექტირებისა და ტექნიკური მომსახურების სამუშაოები, რომელსაც იტალიური მწარმოებელი კომპანია ლაიტნერის სპეციალისტები ჩაატარებენ.
თბილისის სატრანსპორტო კომპანია ბოდიშს გიხდით შექმნილი დისკომფორტის გამო" - ნათქვამია განცხადებაში.
ავტორი: ექსპრესნიუსი,
epn.ge (@expressnews.ge)
