ევროკომისიის პრეზიდენტის, ურსულა ფონ დერ ლაიენის განცხადებით, აშშ-ს პრეზიდენტის, დონალდ ტრამპის მიერ დაწესებული ტარიფები მსოფლიო ეკონომიკას სერიოზულ დარტყმას მიაყენებს. 

"პრეზიდენტ ტრამპის მიერ გამოცხადებული უნივერსალური ტარიფები მსოფლიო ეკონომიკაზე სერიოზულ დარტყმას წარმოადგენს. ვწუხვარ, რომ ასეთი არჩევანი გაკეთდა. გულწრფელად შევაფასოთ მასშტაბური შედეგები. მსოფლიო ეკონომიკა დიდ ზარალს მიიღებს

გაურკვევლობა გაიზრდება და გამოიწვევს შემდგომ პროტექციონიზმს. შედეგები საშინელი იქნება მილიონობით ადამიანისთვის მთელს მსოფლიოში, ისევე როგორც ყველაზე დაუცველ ქვეყნებს, რომლებიც ახლა ექვემდებარებიან აშშ-ს ყველაზე მაღალ ტარიფებს.

ჩვენ მზად ვართ რეაგირებისთვის. ჩვენ უკვე ვასრულებთ კონტრზომების პირველ პაკეტს ფოლადის ტარიფების საპასუხოდ და ახლა ვემზადებით შემდგომი კონტრზომებისთვის ჩვენი ინტერესების დასაცავად. მე ვიცი, რომ ბევრი თქვენგანი გრძნობს თავს ღალატად ჩვენი უძველესი მოკავშირის მიერ.". – წერია ევროკომისიის პრეზიდენტის განცხადებაში.

შეგახსენებთ, დონალდ ტრამპმა აშშ-ში იმპორტირებულ თითქმის ყველა საქონელზე მინიმუმ, საბაზისო 10%-იან ტარიფი გამოაცხადა. ტრამპის გადაწყვეტილებით, 34%-იანი ტარიფი დაუწესდება ჩინეთს, ევროკავშირს - 20%-იანი, ვიეტნამს - 46%-იანი, ტაივანს - 32%-იანი, იაპონიას - 24%-იანი, ინდოეთს - 26%-იანი, სამხრეთ კორეას - 25%-იანი, ტაილანდს - 36%-იანი, შვეიცარიას - 31%-იანი, ინდონეზიას - 32%-იანი, მალაიზიას - 24%-იანი, დიდ ბრიტანეთს - 10%-იანი, ისრაელს - 17%-იანი, სამხრეთ აფრიკას - 30%-იანი.

ავტორი: ექსპრესნიუსი,

სოციალური ქსელები

ულტრამემარჯვენე მარინ ლე პენმა რუსეთსა და უკრაინას შორის „100-წლიანი ომი“ იწინასწარმეტყველა

შარაშიძე – ნებისმიერი პარტიის აკრძალვა არადემოკრატიული გადაწყვეტილებაა, პარტია უნდა აკრძალოს მხოლოდ ხალხმა

შოიგუ: დასავლეთი უცერემონიოდ ერევა საქართველოში არსებულ ვითარებაში

Nordwind Airlines-ი რუსეთის 15 ქალაქიდან რეისებს სოჭის ნაცვლად სოხუმის აეროპორტში გადაიტანს