რუსეთის ტყვეობაში დაღუპული უკრაინელი ჟურნალისტი ვიქტორია როშჩინა ელექტროშოკით წამების შესახებ საუბრობდა, თანასაკნელმა კი მის სხეულზე დანით მიყენებული ჭრილობების კვალი დაინახა. ამის შესახებ ნათქვამია საგამოძიებო ფილმში "ვიკას ბოლო დავალება".

ვიქტორია როშჩინამ თქვა, რომ მას ელექტროშოკის შედეგად "ყველაფერი დაულურჯდა". იგი ციხის ადმინისტრაციას მიმართავდა კუჭის პრობლემების, ცხელების და მენსტრუაციის შეწყვეტის გამო. როშჩინამ 30 კილოგრამამდე დაიკლო და საწოლიდან ძლივს დგებოდა, უთხრა თანასაკნელმა ჟურნალისტს.

ფილმი მომზადდა რამდენიმე საერთაშორისო ორგანიზაციის, მათ შორის "რეპორტიორები უსაზღვრებოდ" და უკრაინული გამოცემების "სუსპილნესა" და "გრატის" ერთობლივი ძალისხმევით. მისი შემქმნელები, კერძოდ, ანონიმურობის პირობით გაესაუბრნენ რუსეთის უშიშროების მიერ კონტროლირებადი ტაგანროგის საგამოძიებო იზოლატორ ("სიზო-2"-ის) საკანში მყოფ როშჩინას თანასაკნელს.

ჟურნალისტი 2023 წლის აგვისტოში ტყვედ ჩავარდა ზაპორიჟიის ოკუპირებულ ტერიტორიაზე. როშჩინა მოათავსეს წინასწარი დაკავების იზოლატორში, სადაც რუსეთის მხარე უკრაინელ პატიმრებს ინახავს. მას სხეულზე უკვე აღენიშნებოდა ჭრილობების კვალი. კერძოდ, საკანში მყოფმა ერთ-ერთმა პატიმარმა როშჩინას მკლავზე ახალი ნაჭდევი დაინახა.

როდესაც დაკავების ცენტრში არალეგიტიმური "რუსი ომბუდსმენი" მივიდა, ვიქტორია როშჩინა მას დაუმალეს. ბოლო დროს ჟურნალისტი ცოცხალი ნახეს 2024 წლის 8 სექტემბერს, როდესაც ის საკნიდან გაურკვეველი მიმართულებით წაიყვანეს.

ჟურნალისტი ვიქტორი როშჩინა, რომელიც რადიო თავისუფლებასთანაც თანამშრომლობდა, რუსეთის სამხედრო აგრესიის დაწყებიდან აშუქებდა მის მსვლელობას.

2023 წლის აგვისტოში ის რუსმა სამხედროებმა შეიპყრეს ზაპორიჟიის რეგიონის ოკუპირებულ ნაწილში. 2024 წლის 10 ოქტომბერს ცნობილი გახდა, რომ როშჩინა გარდაიცვალა ტაგანროგიდან მოსკოვში გადაყვანის დროს. უკრაინის დაზვერვის მთავარი დირექტორატი იტყობინება, რომ ჟურნალისტი პატიმრების გაცვლის სიებში შედიოდა. რუსეთის თავდაცვის სამინისტროს ინფორმაციით, რომელიც როშჩინას მამამ მიიღო, ის 19 სექტემბერს გარდაიცვალა. გარდაცვალების გარემოებები უცნობია.

ავტორი: ექსპრესნიუსი,

სოციალური ქსელები

ტრამპი: მე არ დამიწყია ომი ირანთან, მათ დაიწყეს ჩვენთან ომი

საქართველოს ბანკის YouTube პროექტის - CREATOR-ის მეორე სეზონი იწყება

„შავი პარასკევი“ „მაზდა ცენტრი თეგეტაში“ - ბრენდის ყველაზე მოთხოვნად მოდელებზე 20%-მდე ფასდაკლება 1-ელი ნოემბრიდან იწყება

დათუნაშვილი - გაზის გაძვირება კატასტროფული გადაწყვეტილება, რომელიც ძალიან მძიმე ტვირთად დააწვება თითოეულ ოჯახს ამ ქვეყანაში