ბაკურიანში ნატოს პარტნიორობა მშვიდობისათვის პროგრამის (PfP) ფარგლებში საბაზისო სამთო მომზადების ზამთრის კურსი დასასრულს უახლოვდება.

დღეს სამთო სწავლებაში მონაწილე ნატოს წევრი და პარტნიორი ქვეყნების 28 სამხედრო მოსამსახურის სამთო მომზადებას საქართველოს თავდაცვის მინისტრი დაესწრო. ბაკურიანში თინათინ ხიდაშელი „ბერი ანდრიას სახელობის ფონდის“ სოლიდური სიმსივნით დაავადებულ ბავშვებთან ერთად იმყოფებოდა.

თავდაცვის მინისტრსა და ბავშვებს სამთო კურორტზე მასპინძლობა პოლკოვნიკ ბესიკ ქუთათელაძის სახელობის საჩხერის სამთო მომზადების სკოლის მეთაურმა, მაიორმა ივანე ცხადაძემ გაუწია. მან სტუმრებს კურსის მიმდინარეობა გააცნო და სამხედროების მიერ შესწავლილი სამთო უნარ-ჩვევების შესახებ ინფორმაცია მიაწოდა. ამჯერად სამთო კურსს თურქეთიდან, ლიტვიდან, ლატვიიდან, პოლონეთიდან, უკრაინიდან, სომხეთიდან და აზერბაიჯანიდან მოვლენილი სამხედროები გადიან. საჩვენებელი სრიალის შემდეგ თინათინ ხიდაშელი უცხოელ სამხედროებს გაესაუბრა და კურსის წარმატებით დასრულება მიულოცა.

„ბაკურიანში საჩხერის სამთო მომზადების სკოლის წვრთნები მიმდინარეობს. საჩხერის სკოლა საქართველო-ნატოს ურთიერთობებში პიონერია. წელს სკოლას 10 წელი უსრულდება. მთელი წლის განმავლობაში გვსურს, სკოლაში ღონისძიებები გაიმართოს, რათა რაც შეიძლება მეტმა ადამიანმა გაიგოს ამ სკოლისა და იმ წარმატებების შესახებ, რაც ამ ბიჭებს აქვთ. სიხარული მივანიჭეთ სხვებსაც. დღევანდელი დღის ამოცანაც ეს იყო. ბავშვები, რომლებთანაც თავდაცვის სამინისტრო მეგობრობს, ბაკურიანში ამოვიყვანეთ და მათ ჩვენ სამხედროებთან ერთად ლამაზი დღე ვაჩუქეთ,“ - აღნიშნა თავდაცვის მინისტრმა.

თინათინ ხიდაშელმა „ბერი ანდრიას სახელობის ფონდის“ სოლიდური სიმსივნით დაავადებულ ბავშვებს დღეს პირობა შეუსრულა და ბაკურიანში მათთან ერთად სამხედროების სწავლებას დაესწრო. მაიორმა ივანე ცხადაძემ პატარები 2100 მეტრის სიმაღლეზე „დიდველის“ სათხილამურო ტრასაზე გონდოლებით აიყვანა. პატარებმა თოვლში ითამაშეს, ბურანით ისეირნეს და სამხედროებთან ერთად სამახსოვრო ფოტოებიც გადაიღეს. ბაკურიანში სტუმრობა ბავშვებმა თავდაცვის მინისტრთან და ჯარისკაცებთან ერთად სადილობით დაასრულეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა