ჰოლივუდის მსახიობი მიშელ ტრახტენბერგი გარდაიცვალა, იუწყება The New York Post წყაროებზე დაყრდნობით. ინფორმაცია ABC News-ის წყარომ დაუდასტურა.

მსახიობი 39 წლის იყო. გამოცემის წყაროების ცნობით, მას ცოტა ხნის წინ ღვიძლის გადანერგვა ჩაუტარდა. ტრახტენბერგი დედამ საკუთარ სახლში უსიცოცხლო იპოვა. ნიუ-იორკის პოლიციის დეპარტამენტმა დაადასტურა, რომ მსახიობი უგონო მდგომარეობაში იპოვეს და სასწრაფო დახმარების თანამშრომლებმა მისი გარდაცვალება გამოაცხადეს. პოლიცია მომხდარს მკვლელობად არ თვლის და აღიარებს, რომ მსახიობს შესაძლოა გადანერგვის შემდეგ გართულებები ჰქონოდა.

ტრახტენბერგი დაიბადა 1985 წლის 11 ოქტომბერს ნიუ-იორკში, ებრაელი იმიგრანტი მშობლების ოჯახში. მსახიობმა თქვა, რომ რუსული იცის, რადგან დედა რუსეთში დაიბადა.

მან პირველი როლი შეასრულა 9 წლის ასაკში 1990-იანი წლების Nickelodeon-ის სერიალში The Adventures of Pete & Pete. შემდეგ მან ითამაშა სხვადასხვა საბავშვო ფილმებში და შოუებში. ზრდასრულ ასაკში მიშელი სამი წლის განმავლობაში თამაშობდა სერიალის "ვამპირის მკვლელის ბაფი" მთავარი გმირის დის როლს.

2004 წელს მან ითამაშა კომედიაში Eurotrip, როგორც ჯენი, მთავარი გმირის, სკოტის მეგობარი და მოგზაურობის კომპანიონი.

მან ასევე ითამაშა ჯორჯინა სპარკსი ფილმში Gossip Girl და ჰქონდა როლები House, Law & Order, Six Feet Under და სხვა.

ავტორი: ექსპრესნიუსი,

სოციალური ქსელები

რუსეთი სომხეთის წინააღმდეგ სანქციების ახალ პაკეტს ამუშავებს მისი „ანტირუსული ქმედებების“ გამო - Hraparak

სუს-ში მდინარაძის ყოფილი მოადგილე ფინანსთა სამინისტროს საგამოძიებო სამსახურის უხელმძღვანელებს

10-ჯერ მეტი MR ქულა მაისში - „თეგეტა მოტორსში“ AmEx ბარათით გადახდა უკვე შესაძლებელია

კალაძე აშშ-სთან ურთიერთობის გადატვირთვაზე: კობახიძეს რუბიოსთან სატელეფონო საუბარი ჰქონდა, მაისში დელეგაციასაც ველოდებით, პოზიტიური მოლოდინები გვაქვს