2016-03-09 17:57:54, 1360 ნახვა
მსოფლიო
პოროშენკო რუსეთისგან სავჩენკოს გათავისუფლებას მოითხოვს
უკრაინის პრეზიდენტი პეტრო პოროშენკო რუსეთისგან ნადეჟდა სავჩენკოს დაუყოვნებლივ გათავისუფლებას მოითხოვს.
როგორც პეტრო პოროშენკო აცხადებს, უკრაინელი მფრინავი სამშობლოში ყოველგვარი წინაპირობის გარეშე უნდა დაბრუნდეს.
ამავე მოთხოვნით კიევში რუსეთის საელჩოსთან დღეს მორიგი აქცია გაიმართა. დემონსტრანტებმა დიპლომატიური უწყების შენობას ქვები, კვერცხები და იოდის ბოთლები ესროლეს. საელჩოსთან ასობით ადამიანი იყო შეკრებილი. იქ სხვა პოლიტიკოსებთან ერთად, იულია ტიმოშენკოც მივიდა.
აღსანიშნავია, რომ ნადეჟდა სავჩენკოს მხარდასაჭერი აქციები დღეს უკრაინის სხვა დიდ ქალაქებშიც გაიმართა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
