"ისლამური სახელმწიფოს" ერთ-ერთი ლიდერის, ომარ ალ-შიშანის, იგივე თარხან ბათირაშვილის შესაძლო ლიკვიდაციის შესახებ გავრცელებულ ინფორმაციას პენტაგონი იკვლევს.

როგორც სააგენტო France press-ი იუწყება, სპეც ოპერაცია ბათირაშვილის ლიკვიდაციისთვის 4 მარტს ჩატარდა, რომელსაც ის სავარაუდოდ ემსხვერპლა, თუმცა დაზუსტებული ინფორმაცია ამ დროისთვის არ არსებობს.

როგორც პენტაგონის წარმომადგენელი აცხადებს, სპეც-ოპერაციის დროს, რომელიც აშშ-მ განახორციელა, ბათირაშვილი სირიაში, კერძოდ კი ეშ-შადადში იმყოფებოდა და უშუალოდ მონაწილეობდა საბრძოლო მოქმედებებში.

პენტაგონის პრესსპიკერის განცხადებით, თუკი ალ-შიშანის ლიკვიდაცია დადასტურდა, ეს იმის ნიშანი იქნება, რომ ე.წ. "ისლამურ სახელმწიფოს" უცხოელი მებრძოლების გადაბირება გაუჭირდება.

როგორც პენტაგონში აცხადებენ, ბათირაშვილი "ისლამური სახელმწიფოს" ერთ-ერთი ყველაზე გავლენიანი ლიდერია. ის ISIS-ის სამხედრო მინისტრის პოსტსაც კი იკავებს.

ცნობისთვის, ამერიკის სახელმწიფო დეპარტამენტს თარხან ბათირაშვილი ტერორისტების სიაში ჰყავდა შეყვანილი და მის შესახებ ინფორმაციის სანაცვლოდ 5 მილიონი დოლარი ჰქონდა დაწესებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა