დეკანოზი გიორგი მამალაძე ციანიდის საქმის არსებითად შემსწავლელი კომისიის შექმნას მოითხოვს, ამის შესახებ დეკანოზი სოციალურ ქსელში წერს.

ზუსტად რვა წლის წინ, 2017 წლის 10 თებერვალს თავს საზარელი განსაცდელი დამატყდა. ამ თარიღამდე არც კი გამიაზრებია, როგორი შეიძლება ყოფილიყო რეალურ ცხოვრებაში ადამიანის მიერ დაგეგმილი სასტიკი მზაკვრობა; რა დონემდე და რა შინაარსამდე შეიძლება მიეღწია ცილისწამებას; სადამდე შეიძლება გაეწირათ უდანაშაულო ადამიანი... ტყვეობაში ყოფნის შვიდმა წელმა ამ ყველაფერზე მკაფიო პასუხი გამცა.

დღეს, როცა სარკეში მიწევს ჩახედვა, ეტლში მჯდომ პარალიზებულ, აღარც თუ ისე ახალგაზრდა მამაკაცს ვუყურებ, რომელიც პრინციპში აღარც ჰგავს ჩემს თავს.

ბევრი ბუნდოვანებაა დღეს ჩემს თვალსაწიერში, უამრავი კითხვის ნიშანი და "მაგრამ", თუმცა როგორც ჩანს, დიდი განსაცდელი პიროვნების ღირებულებათა სისტემაში აყალიბებს რკინა-ბეტონივით მყარ პოზიციებს, ამიტომ დღეს ე.წ. "ციანიდის საქმის" 8 წლის თავზე, უკვე საპყრობილის მიღმა მყოფი ღიად მოვითხოვ 2017 წლის 11 ოქტომბრის სინოდის გადაწყვეტილების აღსრულებას - შეიქმას ე.წ. " ციანიდის საქმის" არსებითად შემსწავლელი კომისია (უმჯობესი კი საეკლესიო სასამართლოს აღდგენაა), თუმცა ამ სიბინძურის დამკვეთები, რომელთა ნაწილიც სამწუხაროდ დღემდე რჩებიან საპატრიარქოს ადმინისტრაციაში ყველაფერს აკეთებენ, რათა ამ კომისიამ (მიუხედავად იმისა, რომ არც არაფერს შეისწავლის) არ დაიწყოს ფუნქციონირება, რაც უკიდეგანო შიშის ფაქტორიდანაა გამოწვეული, რადგან მიმაჩნია, რომ თითოეული სხდომა ღია უნდა იყოს.

მიუხედავად ამისა მუდმივად ვეკითხები თავს, გამაჩნია თუ არა მიზანი, მიზანი რომელიც ჩემი ყველა ნაბიჯისა და ქმედების განმსაზღვრელი იყო და რომელიც არ მაძლევდა საშუალებას, დავნებებოდი ან შევგუებოდი უსამართლობასა და უკეთურებას.

პასუხი ცალსახაა დიახ-რისთვისაც უმნიშვნელოვანესია ღიაობის პრინციპი ( სამწუხაროდ ხელისუფლება განუსაზღვრელი ვადით მიზღუდავს ჩემი საქმის ირგვლივ საუბარს, თუმცა ყოველგვარი შოუს დადგმის გარეშე ვცდილობ სხვადასხვა ნაბიჯების გადადგმას მიზნის მისაღწევად) ამისათვის კი უპირველესად აუცილებელია:

* არაფრის დიდებით არ გატყდე, წინააღმდეგ შემთხვებაში ბოლომდე გაგანადგურებენ;

* ბოროტ ძალას დაუპირისპირე, მხოლოდ სიმართლე, სიცრუე შენს ბრძოლას დაასუსტებს;

* დააფასე ადამიანები, რომლებიც შენ, დაჩაგრულს და გათელილს გვერდით გიდგანან და რომელნიც არა ერთი უსამართლობის მსხვერპლნი გახდნენ-ისინი წუთისოფელში ანგელოზთა როლს ასრულებენ.

მიფიქრია ხშირად განსაკუთრებით ბოლო პერიოდში რა დროს ჩემს საკითხზე საუბარია, მაშინ როცა ჩვენი ქალაქების ქუჩებში ახალგაზრდებსა და არა მარტო მათ უნადგურებენ მომავალს, თუმცა არა - ჩვენ უსამართლობის მსხვერპლმა ადამიანებმა უფრო ხშირად და მეტი უნდა ვისაუბროთ იმ უბედურებაზე, რომელიც ჩვენ გადავიტანეთ და რომელიც ნელ-ნელა თითქმის ყველას უახლოვდება.

ჩემი საპყრობილეში ჩაგდების რვა წლის თავზე მინდოდა თქვენთვის გამეზიარებინა აზრები რომელნიც დროთა განმავლობაში სულ უფრო და უფრო იკავებს თავის ადგილს და მომავალში კიდევ ბევრჯერ მოგახსენებთ სათქმელს, თუკი რა თქმა უნდა თავს არ შეგაწყენთ"- წერს გიორგი მამალაძე. 

შეგახსენებთ, დეკანოზი  გიორგი მამალაძე საქართველოს პროკურატურამ 2017 წლის 10 თებერვალს დააკავა თბილისის საერთაშორისო აეროპორტში, როდესაც ის ბერლინში მიემგზავრებოდა, სადაც საქართველოს მართლმადიდებელი ეკლესიის პატრიარქს, ილია მეორეს ოპერაცია უტარდებოდა. პროკურატურის ცნობით, დეკანოზის ბარგის ჩხრეკისას ამოიღეს ფარულად შენახული შხამიანი ნივთიერება -"ნატრიუმის ციანიდი".

8-წლიანი პატიმრობის შემდეგ, დეკანოზი  2024 წლის თებერვალში გათავისუფლდა.  დეკანოზი გიორგი მამალაძე 2019 წლის 22 თებერვლიდან საქართველოს იუსტიციის სამინისტროს სპეციალური პენიტენციური სამსახურის სამკურნალო დაწესებულებაში იმყოფებოდა. მას პარალიზებული აქვს მარჯვენა ზედა და ქვედა კიდური და ვერ ახერხებს დამოუკიდებლად გადაადგილებას.

ავტორი: ექსპრესნიუსი,

სოციალური ქსელები

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა

ინდოეთის ოპოზიცია საარჩევნო კომისიის თავმჯდომარის წინააღმდეგ მარშით გამოდის

სოფელ ბერშუეთის მიმდებარედ რუსეთის საოკუპაციო ძალების მიერ უკანონოდ დაკავებული საქართველოს მოქალაქე თავისუფალია