ცუდი სიტყვები არ გამოგვიყენებია, ჩვენი სოლიდარობა გამოვთქვით - თურმე სოლიდარობა ისჯება. ძალიან სამწუხაროა, - ამის შესახებ მასწავლებლის ეროვნული ჯილდოს მფლობელმა ლადო აფხაზავამ ქუთაისში, საქალაქო სასამართლოში სხდომის დაწყებამდე განაცხადა, სადაც ჟურნალისტებისა და სხვადასხვა პროფესიის წარმომადგენლების, მათ შორის ლადო აფხაზავას სასამართლო პროცესია ჩანიშნული.

როგორც ლადო აფხაზავამ აღნიშნა, „ადამიანებს უნდა ჰქონდეთ გასაპროტესტებელი ადგილი“.

„დღეს გაკვეთილზე უნდა ვყოფილიყავი და მიწევს სასამართლოში მოსვლა. უბრალო ადამიანებს უნდა გვქონდეს გასაპროტესტებელი ადგილი, ან რაღაც ისეთი, რითაც შესაძლოა გულწრფელი პროტესტი გამოვთქვათ. ასეთ მშვიდ აქციაზე არასდროს ვყოფილვარ. არც ცუდი სიტყვები გვიხმარია, ჩვენი სოლიდარობა გამოვთქვით. თურმე, სოლიდარობა ისჯება. ძალიან სამწუხაროა“,- აღნიშნა ლადო აფხაზავამ.

ცნობისთვის, ქუთაისის საქალაქო სასამართლოში ჟურნალისტებისა და სხვადასხვა პროფესიის წარმომადგენლების სასამართლო პროცესია ჩანიშნული.

ცხრა ადამიანის პროცესს მოსამართლე ციცინო მოსიძე გაუძღვება. ჟურნალისტებს და სხვადასხვა სფეროს წარმომადგენლებს ადმინისტრაციულ სამართალდარღვევათა კოდექსის 174-პრიმა პირველი მუხლის მესამე ნაწილით ედავებიან. მათ წინააღმდეგ საქმე 26 იანვარს მოსამართლის სახლთან შეკრების და პროტესტის გამო აღიძრა. შეკრებილები მზია ამაღლობელის პატიმრობას და სააპელაციო სასამართლოს გადაწყვეტილებას აპროტესტებდნენ.

მედიაში გავრცელებული ინფორმაციის თანახმად, ოქმი შემდეგ პირებს გამოუწერეს: გელა მთივლიშვილი - ჟურნალისტი, საქართველოს ამბები / მთის ამბების რედაქტორი; ნინო ქათამაძე - მუსიკოსი, „ნინო ქათამაძის ფონდის“ დამფუძნებელი; ვლადიმერ აფხაზავა - მასწავლებელი, მასწავლებლის ეროვნული ჯილდოს პირველი მფლობელი; ხვიჩა ვაშაყმაძე - ჟურნალისტი; ქეთევან ფილაური - ფსიქოლოგი; მაია ცირამუა - ფსიქოლოგი; ირინა ზარანდია - სამოქალაქო აქტივისტი; გივი ცინცაძე - ლანჩხუთის საკრებულოს წევრი; ეკა კუხალაშვილი - „ქუთაისი პოსტის“ ჟურნალისტი.

ავტორი: ექსპრესნიუსი,

სოციალური ქსელები

გრიგოლ ლილუაშვილს, 13 წლით თავისუფლების აღკვეთა მიესაჯა

აშშ-ის სასამართლომ საქართველოს ნამახვანის ჰიდროელექტროსადგურის პროექტისთვის ENKA-სთვის 350 მილიონი დოლარის გადახდა დააკისრა

სამინისტროები, რომლებიც წელიწადნახევრის განმავლობაში დააცალკევეს კვლავ გაერთიანდნენ

მარია ზახაროვამ ახალგაზრდა ქართველებს რუსეთში ჩამოსვლისკენ მოუწოდა