11 თებერვალს, ForSet-ი მეცნიერი ქალებისა და გოგონების საერთაშორისო დღესთან დაკავშირებით, ღონისძიებას - “STEM-ის დღე: ქალები მეცნიერებებსა და ტექნოლოგიებში“ გამართავს. პროექტის მხარდამჭერია საქართველოს ბანკი.

ღონისძიების ფარგლებში, დამსწრეებს შესაძლებლობა ექნებათ, გაიგონ მეტი STEM-ის, ტექნოლოგიების და მონაცემების სფეროში არსებული კარიერული შესაძლებლობების შესახებ, დაესწრონ სფეროს ლიდერების გამოსვლებს, მონაწილეობა მიიღონ პრაქტიკულ სამუშაო შეხვედრებში, დაამყარონ მნიშვნელოვანი პროფესიული კავშირები, ჩაერთონ სახალისო თამაშებში და მიიღონ საჩუქრები.

„საქართველოს ბანკისთვის ახალგაზრდების მხარდაჭერა ერთ-ერთი მთავარი პრიორიტეტია. ჩვენ გვესმის განათლების მნიშვნელობა უკეთესი მომავლის შექმნის პროცესში, ამიტომ გადავწყვიტეთ, STEM-ის, ტექნოლოგიებისა და მონაცემების მიმართულება ახალგაზრდებისთვის, განსაკუთრებით კი გოგონებისთვის, უფრო ხელმისაწვდომი გავხადოთ. სწორედ ამიტომ, ჩვენ ForSet-ის ღონისძიების - “STEM-ის დღე: ქალები მეცნიერებებსა და ტექნოლოგიებში“ მხარდამჭერები ვართ. ვიმედოვნებთ, რომ მომავალში კიდევ არაერთი მსგავსი ღონისძიება გაიმართება, რომელიც მისცემს ახალგაზრდებს მოტივაციას, შეიძინონ ცოდნა და საკუთარი თავი მომავლის პროფესიების მიმართულებით გამოცადონ“, - აღნიშნავენ საქართველოს ბანკის CSR მიმართულების გუნდში.

ღონისძიება ორგანიზებულია ForSet-ის მიერ და მისი პარტნიორები არიან DataFest Tbilisi, საქართველოს ბანკი, UNDP-სა და შვედეთის, გენდერული თანასწორობისთვის გაეროს ერთობლივი პროგრამა, IBCCS TAX, UN Women და ტერმინალი.

ავტორი: R (რეკლამა),

სოციალური ქსელები

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს

ახალი შეთავაზება TBC-ის პლატფორმაზე - დაიბრუნე ვაჭრობის საკომისიო და დასაჩუქრდი $500-მდე

აშშ-ის წარმომადგენელთა პალატამ დონალდ ტრამპ უმცროსის ქორწილის რუსი ოლიგარქ უმარ კრემლევის მიერ დაფინანსების გამოძიება დაიწყო

სააკაშვილი: საქართველო რუსეთთან არა მხოლოდ ტურიზმით, არამედ მთელი ეკონომიკით არის დაკავშირებული