..მხოლოდ ამ კვირაში რუსეთმა ჩვენი ხალხის წინააღმდეგ 1260-ზე მეტი საჰაერო ბომბი, 750-მდე თავდასხმის დრონი და 10-ზე მეტი სხვადასხვა ტიპის რაკეტა გაუშვა, ყველა პარტნიორს უკრაინის თავდაცვის ინდუსტრიაში ინვესტირებისკენ მოვუწოდებთ", - ამის შესახებ უკრაინის პრეზიდენტი, ვოლოდიმირ ზელენსკი სოციალურ პლატფორმა X-ზე წერს.

„რუსეთის სამხედრო წარმოება, რომელიც ამგვარი ტერორის საშუალებას იძლევა, სამ ძირითად ფაქტორს ეყრდნობა: სანქციების გვერდის ავლის სქემებს, რომლის გარეშე რუსეთს არ ექნება მნიშვნელოვანი კომპონენტები; ნავთობის მაღალ ფასს, რომელიც სამართლიანად უნდა შემცირდეს და იმას, რომ ჩვენ არ გვაქს შორ მანძილზე მოქმედი რაკეტების და დრონების საკმარისი რაოდენობა“, - წერს ზელენსკი.

მისივე თქმით, უკრაინა მადლობელია ყველა პარტნიორის, რომლებიც აძლიერებენ სანქციებს, მაგრამ რუსეთის ნავთობის ინდუსტრიის შესაძლებლობების შესამცირებლად მეტი გლობალური ძალისხმევაა საჭირო.

„გავაგრძელებთ ჩვენი რაკეტების და დრონების წარმოების გაფართოებას - ყველა პარტნიორს უკრაინის თავდაცვის ინდუსტრიაში ინვესტირებისკენ მოვუწოდებთ, რადგან ეს არის ინვესტიციების განხორციელება ადამიანების სიცოცხლის დაცვაში“, - წერს ზელენსკი.

ავტორი: ექსპრესნიუსი,

სოციალური ქსელები

Global Finance: საქართველოს ბანკი რეგიონში საუკეთესო სამომხმარებლო ციფრული ბანკია ონლაინ პროდუქტების შეთავაზების და დაკრედიტების მიმართულებით

შენი ავტოსაჭიროებები ერთ სივრცეში - მობაილბანკში ავტო კომფორტი განახლდა

რა იცვლება დაგროვებითი პენსიის შესახებ კანონში

81 ათასი ოჯახი ქონების გადასახადს აღარ გადაიხდის - შემოსავლების სამსახურის უფროსი