სისტემური ძალადობის მსხვერპლი ბავშვები ზრუნვის სააგენტოს წინააღმდეგ სასამართლოში ჩივიან

„პარტნიორობა ადამიანის უფლებებისთვის“ (PHR) ინფორმაციით, სისტემური ძალადობის მსხვერპლმა ორმა ბავშვმა თბილისის საქალაქო სასამართლოს ზრუნვის სააგენტოს წინააღმდეგ სარჩელით მიმართა.

ორგანიზაციის განცხადებით, სარჩელის განხილვის საგანია სახელმწიფო ზრუნვის სააგენტოს მიერ ბავშვების უფლებების სისტემური დარღვევა.

“საზოგადოებას ახსოვს 9 წლის შეზღუდული შესაძლებლობის მქონე გოგონასა და მისი ძმის მძიმე ისტორია. მიუხედავად იმისა, რომ სისხლის სამართლის საქმე უკვე მიმდინარეობდა, სახელმწიფო ზრუნვის სააგენტომ ბავშვთან დაკავშირებული მასალების გადაცემაზე უარი განაცხადა, რითაც PHR-ის ადვოკატებს შესაძლებლობა არ მისცა, საქმეს დეტალურად გაცნობოდნენ.

ეს არ ყოფილა ბავშვების უფლებების დარღვევის ერთადერთი შემთხვევა. PHR 2022 წლიდან იცავს და-ძმას სხვადასხვა ადმინისტრაციულ და სისხლის სამართლის საქმეზე. ორგანიზაციის ცნობით, ბავშვების მიმართ ძალადობა არ შეწყვეტილა მაშინაც, როდესაც ისინი სახელმწიფო ზრუნვაში გადავიდნენ.

ბავშვები ოჯახში ექვემდებარებოდნენ ფიზიკურ და სექსუალურ ძალადობას, ასევე, გოგონას აიძულებდნენ ქუჩაში მოწყალების თხოვნას მისი შეზღუდული შესაძლებლობის გამო.

სააგენტოსთვის ცნობილი იყო, რომ მშობელი არღვევდა ბავშვების უფლებებს, თუმცა, მიუხედავად იმისა, რომ ისინი დროებით სახელმწიფო ზრუნვაში გადაიყვანეს, რამდენიმე თვეში სააგენტომ მათი ოჯახში დაბრუნების გადაწყვეტილება მიიღო. იმის მიუხედავად, რომ ძალადობის საფრთხე კვლავ არსებობდა.

რეინტეგრაციიდან მალევე ოჯახში გადასახლდა დედის მეგობარი მამაკაცი, ხოლო მიუხედავად იმისა, რომ სოციალური მუშაკი ოჯახთან მუშაობდა, სააგენტომ ვერ შეძლო განგრძობითი ძალადობის დროული იდენტიფიცირება.

სახელმწიფო ზრუნვაში ყოფნის პერიოდშიც ბავშვების უფლებები კვლავ ირღვეოდა – მათ რამდენჯერმე შეუცვალეს ოჯახი, ხოლო საქმეზე ექვსჯერ შეიცვალა სოციალური 

PHR-ის განცხადებით, მინდობით აღმზრდელების სახელმწიფო პროგრამა არ ითვალისწინებს მათთვის გადამზადებას, რაც სექსუალური ძალადობის მსხვერპლ ბავშვებთან მუშაობისთვის აუცილებელია.

ბავშვებმა, PHR-ის ადვოკატების დახმარებით, სასამართლოს მიმართეს, თუმცა მათთვის გარკვეული ბარიერები შეიქმნა ადვოკატებზე მინდობილობის გაცემის პროცესში

მიუხედავად სირთულეებისა, სასამართლოში შეტანილ სარჩელში ბავშვები ითხოვენ, რომ:

• აღიარებულ იქნას მათი უფლებების დარღვევა;

• გაუქმდეს მათი ოჯახში დაბრუნების გადაწყვეტილება;

• მინდობით აღმზრდელთა გადამზადება გახდეს სავალდებულო.

PHR ასევე ითხოვს ზრუნვის სააგენტოსგან სოლიდური კომპენსაციის გადახდას დაზარალებული ბავშვების სასარგებლოდ.”- აცხადებს (PHR)-ი

ცნობისთვის, ბავშვების ინტერესებს სასამართლოში ადვოკატები თამარ გაბოძე და თამარ კაპანაძე იცავენ. საქმეს სამართლებრივად მხარს უჭერს შვედური ასოციაცია RFSU.

ავტორი: ექსპრესნიუსი,

სოციალური ქსელები

შვეიცარიაში საპროტესტო აქციები პოლიციასთან შეტაკებებში გადაიზარდა

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა

ინდოეთის ოპოზიცია საარჩევნო კომისიის თავმჯდომარის წინააღმდეგ მარშით გამოდის