საზოგადოებრივ მაუწყებელთან საპროტესტო აქცია მიმდინერეობს, მოქალაქეები არხის ხელმძღვანელობის გადადგომას მოითხოვენ

2025-02-05 20:27:05, 597 ნახვა

საზოგადოება

საზოგადოებრივ მაუწყებელთან საპროტესტო აქცია მიმდინარეობს. კოსტავას ქუჩაზე შეკრებილმა მოქალაქეებმა საგანგებო განცხადება გააჟღერეს.

დემონსტრანტების მოითხოვენ ხელმძღვანელობის გადადგომასა და მოქალაქეებისთვის ეთერის დათმობას.

„სამეურვეო საბჭოს სხდომაზე გაჟღერებულ მუქარასა და ცილის წამებას ვეხმაურებით სრული გამჭვირვალობითა და უშიშრობით, რადგან საზმაუს პროტესტი აქტიურად ჩართული მოქალაქეების მხარეს არის ყველაზე მთავარი ხალხი და სიმართლე. სამწუხაროდ, 4 თებერვლის სხდომაზე კიდევ ერთხელ დავინახეთ, რომ დღეს საზმაუ იმ ადამიანების ხელშია, რომლებიც მზად არის ძალაუფლების შესანარჩუნებლად ყველაზე მძიმე და უშინაარსო კონსპირაციის თეორიებიც კი აწარმოონ.

ძალაუფლების დაკარგვის შიში გარდა, სხვა რა შეიძლება ედოს საფუძვლად ისეთ მოურიდებელ ტყუილს, როგორიც არის პროტესტის სახელმწიფო გადატრიალებაში დადანაშაულება. ეს უმძიმესი ბრალდება და მიზანმიმართული მუქარა პირდაპირ შეურაცხოს, როგორც პროტესტში ჩართულ გულწრფელ ადამიანებს, ასევე ნებისმიერ მაყურებელს, რომელთა წინაშეც ანგარიშვალდებულია საზოგადოებრივი მაუწყებელი და რომელსაც სიმართლით უნდა უზრუნველყოფდეს.

არხი დიდი ხანია ამ ფუნქციას აღარ ასრულებს. უმნიშვნელოვანესი არჩევნების წინ, მან დახურა მნიშვნელოვანი კრიტიკული გადაცემები და მაყურებელს არ მისცა ინფორმირებული არჩევანის გაკეთების საშუალება. არჩევნების შემდგომ კი არხი პირდაპირ დგას პარტიულ სამსახურში და არ ერიდება ეთერის გამოყენებას პროტესტის დისკრედიტაციისთვის. სწორედ ამ რეალობიდან გამომდინარე, ჩვენ ყოველდღიურად უდიდეს ძალისხმევას ვდებთ საზოგადოებრივი მაუწყებლის, ხალხის სამსახურში დასაბრუნებლად. არაერთხელ მოვახერხეთ, რომ ეკრანებიდან მაყურებელს გაეგო სათქმელი.

ჩვენ ეს პროტესტი მტკიცედ გავმიჯნეთ არსებული პოლიტიკური პარტიებისგან და ვაცენოთ, რომ მისი ძალა სწორედ მის სახალხოსაშია. ჩვენ ადამიანები, ვინც საზოგადოებრივი მაუწყებლის სახალხოებისთვის ვიბრძვით მენეჯმენტს დავანახეთ, რომ სიმართლეა ის, რის მოსმენაც საზოგადოება უნდა. რეალურად, ეს საბჭომაც და მენეჯმენტმაც იცის. იციან, რომ ამ პროტესტს პარტიულ ინტერესებთან არაფერი აქვს საერთო. გვაბრალებენ სარედაქციო პოლიტიკაში ჩარევას, მაშინ როცა ზუსტად ესმის, რომ ჩვენ ვმოქმედებდით მშვიდობიანად იმ შეთანხმების საფუძველზე, რომელიც ჩვენს შორისა და მენეჯმენტთან მოხდა.

ჩვენ შევთანხმდით, რომ ქვეყანაში არსებული კრიზისული მდგომარეობიდან გამომდინარე , სახალხო ეთერის სტუმრებზე პასუხისმგებლობას პროტესტი აიღებდა ეს შეთანხმება კი მენეჯმენტმა დაარღვია და სახალხო ეთერი შეწყვიტა. რადგან, ეს ყველაფერი ზუსტად იციან, რა არის ის რასაც სახელმწიფო გადატრიალებას უწოდებენ. რეჟიმის მიერ ნაწამები ადამიების გაშუქება?. პროტესტი ეხმაურება საზოგადოებრივი მაუწყებლის გამოხსნას პარტიული ინტერესიდან, შესაბამისად ჩვენი მოთხოვნები რჩება უცვლელი გადადგეს არხის ხელმძღვანელობა და დაეთმოს ეთერი ხალხს. თავისუფლება მზია ამაღლობელს და სოლიდარობა მოშიმშილეებს.“ - განაცხადეს აქციის მონაწილეებმა.