თბილისის საქალაქო სასამართლოს მოსამართლე ზვიად ცეკვავამ საპროტესტო აქციების მონაწილის, არასრულწლოვან მიქაელ მეძმარიაშვილის ადმინისტრაციული საქმე განიხილა.

მეძმარიაშვილს შსს-ს წარმომადგენელი 11 დეკემბერს, რუსთაველის გამზირის გადაკეტვას ედავება. იმის გამო, რომ საქმე არასრულწლოვანს ეხებოდა, პროცესი მოსამართლემ დახურა.

პროცესის დასრულების შემდეგ მედიასთან კომენტარი გააკეთა თავად მიქაელ მეძმარიაშვილმა და მისმა დედამ, რომელიც სხდომას ესწრებოდა.

როგორც მათ განაცხადეს, საქმეში არსებული ვიდეოკადრებიდან არ ჩანს, რომ მიქაელ მეძმარიაშვილმა რუსთაველის გამზირი გადაკეტა. მათივე განმარტებით, კადრებიდან, რომელიც ასევე მედიას მიაწოდეს, ჩანს მხოლოდ ის, რომ რუსთაველის გამზირი უკვე გადაკეტილია, ხალხია შეკრებილი და აქციის მონაწილეებს შორის მშვიდობიანად დგას მიქაელ მეძმარიაშვილი.

მოსამართლემ პროცესი 28 თებერვლისთვის გადადო. შინაგან საქმეთა სამინისტროს წარმომადგენელმა კომენტარის გაკეთებაზე უარი განაცხადა.

ავტორი: ექსპრესნიუსი,

სოციალური ქსელები

ტრამპი ამომრჩევლის მხარდაჭერას კარგავს: დემოკრატები რესპუბლიკელებს შვიდი პუნქტით უსწრებენ - NBC News

ცხოველთა სამარხების ამსახველი კადრების გავრცელების შემდეგ შსს-მ გამოძიება დაიწყო

შვეიცარიაში საპროტესტო აქციები პოლიციასთან შეტაკებებში გადაიზარდა

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს