თბილისში მოკლული 26 წლის ახალგაზრდა სიღნაღის სოფელ ნუკრიანიდან იყო

2025-01-24 17:48:25, 734 ნახვა

სამართალი

თბილისში მოკლული 26 წლის ლევან ჯანგულაშვილი სიღნაღის მუნიციპალიტეტის სოფელ ნუკრიანიდან იყო. როგორც ადგილობრივები აღნიშნავენ, ის ბოლო წლებში დედასთან ერთად თბილისში ცხოვრობდა.

ჯანგულაშვილის გაუჩინარების შესახებ ინფორმაცია 12 იანვარს გავრცელდა. მისი კვალი სწორედ იმ დღეს დაიკარგა. ოჯახის წევრებმა და ახლობლებმა სოციალურ ქსელებში მიმართეს საზოგადოებას და დახმარება ითხოვეს. დაკარგულს პოლიცია მთელი ქვეყნის მასშტაბით ეძებდა.

გამოძიებით გაირკვა, რომ ჯანგულაშვილი კონფლიქტის შედეგად მოკლეს, მშენებარე კორპუსიდან გადმოაგდეს და შემდეგ ცხედარს კვალის დაფარვის მიზნით ცეცხლი წაუკიდეს.

მკვლელობის ფაქტზე 22 წლის ახალგაზრდა დაკავებულია. პროკურატურამ მას უკვე წარუდგინა ბრალი, რომელიც 10-დან 15 წლამდე თავისუფლების აღკვეთას ითვალისწინებს.

ცხედრის პოვნისა და დანაშაულის შესახებ ინფორმაცია დღეს გახდა ცნობილი.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,