ტაილანდში ერთნაირსქესიანთა ქორწინების ლეგალიზების კანონი ამოქმედდა. ბანგკოკში გამართულ ღონისძიებაზე 200-ზე მეტი წყვილი შეიკრიბა, რათა მათი კავშირი ოფიციალურად გაეხადათ..

ტაილანდის გარდა, მთელ აზიაში მხოლოდ ნეპალი და ტაივანი აღიარებენ ერთნაირსქესიანთა კავშირებს.

„ქორწინების თანასწორობის კანონი აღნიშნავს ტაილანდურ საზოგადოებაში გენდერული მრავალფეროვნების უფრო ფართო ცნობიერების დასაწყისს და ჩვენი მიღება ყოველი ადამიანის მიმართ - განურჩევლად სექსუალური ორიენტაციის, რასისა თუ რელიგიისა - არის ჩვენი დადასტურება იმისა, რომ ყველა იმსახურებს თანაბარ უფლებებს და ღირსებას“, - თქვა  ქვეყნის პრემიერ-მინისტრმა ფეტონგთან შინავატრა.

მისი მესიჯის ჩანაწერი ტაილანდის დედაქალაქ ბანგკოკში გამართულ მასობრივ ქორწილში გაისმა. Bangkok Pride-მა, ქალაქის მთავრობასთან ერთად, მოაწყო გალა ღონისძიება სავაჭრო ცენტრში Siam Paragon. მათი შეფასებით, სავაჭრო ცენტრში სულ მცირე 200 წყვილი იყო შეკრებილი. ახალდაქორწინებულებს ცისარტყელას ფერის ხალიჩა გაუშალეს.

ავტორი: ექსპრესნიუსი,

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს