2025-01-17 15:42:24, 616 ნახვა
საზოგადოება
სოხუმში სამარშრუტო ტაქსების მძღოლები გაიფიცნენ
რუსეთის მიერ დროებით ოკუპირებულ სოხუმში სამარშრუტო ტაქსების მძღოლები გაიფიცნენ. მედიის ცნობით, მათ რეისზე გასვლაზე უარი თქვეს. ისინი მგზავრობის ტარიფის ზრდას ითხოვენ.
აფხაზური მედიის ინფორმაციით, 15 იანვარს მიკროავტობუსების ზოგიერთმა მძღოლმა, მგზავრობის საფასური თვითნებურად, 30 რუბლიდან (0.80 ლარი) 50 რუბლამდე (1.39 ლარი) გაზარდა.
ქალაქის მცხოვრებლებს გადაადგილება უჭირთ. დროებით ოკუპირებული აფხაზეთის ე.წ. მთავრობას კომენტარი ჯერ არ გაუკეთებია.
ავტორი: ექსპრესნიუსი,
epn.ge (@expressnews.ge)
