2016-03-04 16:15:16, 1488 ნახვა

---

კალაძე: ბევრი ევროპული ქვეყანა ინატრებდა ისეთ გეოპოლიტიკურ ადგილმდებარეობას, როგორიც საქართველო აქვს

საქართველოს ენერგეტიკის მინისტრის კახი კალაძის განცხადებით, ენერგორესურსების დივერსიფიკაციის პრობლემა არ დგას.

როგორც კალაძემ მთავრობის ადმინისტრაციაში ჟურნალისტებს განუცხადა,  საქართველოს მსგავს გეოპოლიტიკურ ადგილმდებარეობას ბევრი ევროპული ქვეყანა ინატრებდა.

კალაძის განმარტებით, საქართველოს ბუნებრივი აირის  მოწოდების სამი საშუალება აქვს. ესაა: კომპანია „სოკარი“, თავისი მილსადენით, ე.წ. ყაზახით,   შაჰდენიზიდან მიღებული ბუნებრივი აირი და გაზპრომი, ანუ ტრანზიტის საფასურად მიღებული ბუნებრივი აირი:

„ენერგორესურსების დივერსიფიკაციის პრობლემა არ დგას. საქართველო დივერსიფიცირებულია, მე ვფიქრობ, ალბათ, ბევრი ევროპული ქვეყანა ინატრებდა ისეთ გეოპოლიტიკურ ადგილმდებარეობას და ისეთ პრიორიტეტულ პოზიციაში ყოფნას, როგორც დღეს საქართველოა. ჩვენ გვაქვს დღეს ბუნებრივი აირის მოწოდების სამი საშუალება. ეს არის  აზერბაიჯანი, კომპანია „სოკარი“, თავისი მილსადენით, ე.წ. ყაზახით არის შაჰდენიზიდან მიღებული ბუნებრივი აირი და გაზპრომი ანუ ტრანზიტის საფასურად მიღებული ბუნებრივი აირი“, - განაცხადა კახა კალაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი