დედის დღესთან დაკავშირებით აჭარის ავტონომიური რესპუბლიკის ჯანმრთელობისა და სოციალური დაცვის სამინისტრომ 2008 წლის რუსული აგრესიისა და 2012 წელს ავღანეთში დაღუპული 16 ჯარისკაცის 16 დედას და 6 მეუღლეს 1000 – 1000 ლარი გადასცა.

აჭარის ჯანდაცვის სამინისტროს ინფორმაციით, თანხა სულ 22-მა ქალბატონმა მიიღო.

დღესვე აჭარის ჯანდაცვის მინისტრმა ნუგზარ სურმანიძემ და აჭარის განათლების მინისტრმა გიორგი თავამაიშვილმა დედის დღე 2008 წლის რუსული აგრესიის შედეგად დაღუპული უმცროსი სერჟანტის - ფრიდონ თურმანიძის დედას ნარგიზ თურმანიძეს და მზია ჯაბნიძეს მიულოცეს. ფრიდონ თურმანიძე 7 აგვისტოს, 28 წლის ასაკში, გორთან, სოფელ ყელქცეულში რუსული აგრესიის შედეგად გმირულად დაიღუპა. ცხელი წერტილიდან გამოსული, უკან შებრუნდა დაჭრილი მეგობრების გამოსაყვანად, მათი სიცოცხლე გადაარჩინა, თვითონ კი გამოსვლა ვეღარ შეძლო. დღეს მისი გმირობის ამბავი დედამ, მეუღლემ და შვილებმა 8 წლის ნაკომ და 11 წლის ნინიმ აჭარის მთავრობის წევრებთან ერთად კიდევ ერთხელ გაიხსენეს.

აჭარის ჯანდაცვის სამინისტრო „2008 წლის რუსული აგრესიისა და 2012 წელს ავღანეთში დაღუპულთა ოჯახების დახმარების“ პროგრამის ფარგლებში დაღუპული ჯარისკაცების ოჯახებს აგვისტოში ომის წლისთავთან დაკავშირებით დამატებით 3 000 – 3 000 ლარს გადასცემს. პროგრამის ბიუჯეტი 80 000 ლარს შეადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო