2024-12-25 12:48:28, 869 ნახვა
ომი უკრაინაში
ზელენსკი - პუტინმა თავდასხმისთვის შობა განზრახ აირჩია - რუსული ბოროტება უკრაინას ვერ გატეხს და შობას ვერ ჩაშლის
პუტინმა თავდასხმისთვის შობა განზრახ აირჩია, რა შეიძლება იყოს ამაზე უფრო არაჰუმანური? რუსული ბოროტება უკრაინას ვერ გატეხს და შობას ვერ ჩაშლის- ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელ X-ზე წერს.
ზელენსკის განცხადებით, უკრაინის თავდაცვის ძალებმა რუსების მიერ გაშვებული 50-ზე მეტი რაკეტა და დრონების უმეტესობა ჩამოაგდეს.
„დღეს პუტინმა შეგნებულად აირჩია შობა თავდასხმისთვის. რა შეიძლება იყოს უფრო არაადამიანური? 70-ზე მეტი რაკეტა, მათ შორის ბალისტიკური რაკეტები და ასზე მეტი დრონი. სამიზნე ჩვენი ენერგეტიკული ინფრასტრუქტურა იყო. ისინი უკრაინაში ელექტროენერგიის გათიშვის მცდელობებს აგრძელებენ. რუსული ბოროტება უკრაინას ვერ გატეხს და შობას ვერ ჩაშლის“, - წერს ზელენსკი.
ავტორი: ექსპრესნიუსი,
epn.ge (@expressnews.ge)
