არასამთავრობო ორგანიზაციათა კოალიცია მამუკა ახვლედიანის თანამდებობაზე აღდგენის მოთხოვნით დღეს სასამართლოში სარჩელს შეიტანენ.

კოალიცია თბილისის საქალაქო სასამართლოს ყოფილი თავმჯდომარის უფლებების დასაცავად სარჩელით პირველ ინსტანციას მიმართავს. ისინი მამუკა ახვლედიანის თანამდებობიდან გათავისუფლების გადაწყვეტილების გაუქმებას მოითხოვენ.

ეს გადაწყვეტილება კოალიციამ საქალაქო სასამართლოს ყოფილ თავმჯდომარესთან კონსულტაციისა და რამდენიმე საათიანი მსჯელობის შედეგად მიიღო. არასამთავრობოები იუსტიციის უმაღლესი საბჭოსგან ასევე მოითხოვენ შეჩერდეს თბილისის საქალაქო სასამართლოს ახალი ხელმძღვანელის გიორგი მიქაუტაძის დანიშვნის პროცესი.

კოალიცია არ გამორიხავს, რომ სარჩელით საკონსტიტუციო სასამართლოსაც მიმართოს.

„ჩვენ მიგავჩნია, რომ მისი გათავისუფლება თავმჯდომარის პოზიციიდან იყო უკანონო და ადმინისტრაციული წესით, ამასთან დაკავშირებით ვიდავებთ სასამართლოში,“  - განაცხადა ახალგაზრდა იურისტთა ასოციაციის თავმჯდომარემ, ანა ნაცვლიშვილმა.

შეგახსენებთ, იუსტიციის უმაღლესი საბჭოს გადაწყვეტილებით 22 თებერვალს მამუკა ახვლედიანი თბილისის საქალაქო სასამართლოს თავმჯდომარეობიდან გადააყენეს. ოფიციალურ მიზეზად მენეჯმენტში არსებული პრობლემები დასახელდა. სხდომას თავად მამუკა ახვლედიანი არ ესწრებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას