საქართველოს პრეზიდენტმა გიორგი მარგველაშვილმა უზენაესი სასამართლოს თავმჯდომარის თანამდებობაზე დასახელებულ კანდიდატებთან შეხვედრა გამართა.

გიორგი მარგველაშვილმა შეკრებილ საზოგადოებას სიტყვით მიმართა და ყურადღება  იმ გამოწვევებზე გაამახვილა, რომლის წინაშეც დღეს სასამართლო ხელისუფლება დგას.

„მე მინდა მადლობა გითხრათ იმისთვის, რომ მობრძანდით და მონაწილეობა მიიღეთ ჩემი აზრით, ერთ-ერთ ყველაზე საინტერესო დემოკრატიულ პროცესში, რომელიც წარიმართა საქართველოში და სასამართლო ხელისუფლებასთან მიმართებაში. დემოკრატია არ არის მხოლოდ არჩევნები, დემოკრატია არის ჩართულობა და მონაწილეობა საზოგადოებისა, მოქალაქეების, როდესაც ისინი აყალიბებენ თავიანთ აზრს და თავისი შეხედულებით გავლენას ახდენენ სახელისუფლებო ინსტიტუტებზე და თანამონაწილეობენ სახელისუფლებო გადაწყვეტილებებში და პოლიტიკის ჩამოყალიბებაში. აქედან გამომდინარე, ის პროცესი, რომელიც ჩვენ დავიწყეთ და რომლის მონაწილენიც თქვენ ხართ, ჩემი აზრით წინ გადადგმული ნაბიჯია ჩვენი საზოგადოების ჩართულობისა და დემოკრატიული გაძლიერების თვალსაზრისით“, - განაცხადა გიორგი მარგველაშვილმა.

შეხვედრა დისკუსიის ფორმატში გაიმართა. პრეზიდენტმა სასამართლო ხელისუფლების გაძლიერებასა და განვითარებასთან დაკავშირებით დასახელებული კანდიდატების მოსაზრებები მოისმინა.

შეხვედრას უზენაესი სასამართლოს თავმჯდომარის თანამდებობაზე  დასახელებული 28 კანდიდატიდან 27 დაესწრო. დისკუსიაში მონაწილეობა ვერ მიიღო ანა დოლიძემ, რომელიც ამჟამად საქართველოში არ იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა