2024-11-12 17:27:58, 606 ნახვა

---

მაკრონი - უკრაინის შესახებ გადაწყვეტილებები არ უნდა მიიღებოდეს უკრაინის გარეშე, ისევე, როგორც ევროპაზე - ევროპის გარეშე

უკრაინის შესახებ გადაწყვეტილებები უკრაინის გარეშე არ უნდა მიიღებოდეს, ისევე, როგორც ევროპაზე ევროპის გარეშე,- ამის შესახებ საფრანგეთის პრეზიდენტმა, ემანუელ მაკრონმა პარიზში, ნატოს გენერალურ მდივანთან, მარკ რუტესთან შეხვედრის შემდეგ ერთობლივ პრესკონფერენციაზე განაცხადა.

მაკრონის თქმით, უკრაინისთვის შემდგომი მხარდაჭერა უპირობო პრიორიტეტად უნდა დარჩეს. 

"ჩვენი მოქალაქეების უსაფრთხოებისთვის საჭიროა ძლიერი უკრაინა, ძლიერი ევროპა და ძლიერი ალიანსი. გავაგრძელებთ მოწოდებას, რომ ნატომ და მოკავშირეებმა უკრაინას გაუწიონ ყველა საჭირო მხარდაჭერა, რამდენ ხანსაც საჭირო იქნება. ეს არის ერთადერთი გზა მოლაპარაკებებისკენ. მინდა ხაზი გავუსვა, რომ არანაირი გადაწყვეტილება არ შეიძლება, მიიღებოდეს უკრაინაზე უკრაინის გარეშე და ევროპაზე - ევროპელების გარეშე",- განაცხადა მაკრონმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი