ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ მინსკში, „ნორმანდიული ოთხეულის“ შეხვედრაზე მიღებული ცეცხლის შეწყვეტის შესახებ შეთანხმება შეაფასა.

როგორც ბაქრაძემ „ექსპრესნიუსს“ განუცხადა, მნიშვნელოვანია, რომ შეთანხმება შედგა.

 თუმცა მისი თქმით, საქართველოს სამწუხარო გამოცდილებიდან გამომდინარე კითხვები მაინც იბადება.

„პირველ რიგში მნიშვნელოვანია, რომ შეთანხმება შედგა, თუმცა კითხვები მაინც იბადება იქედან გამომდინარე, რომ ჩვენ გვაქვს სამწუხარო გამოცდილება, როდესაც ხელშეკრულება და მისი თითქმის არც ერთი პუნქტი არ სრულდება რუსეთის ფედერაციის მხრიდან. რა თქმა უნდა უკრაინას ვუსურვებ ცეცხლი შეწყდეს, თუმცა გამომდინარე ჩვენი არასახარბიელო გამოცდილებიდან უნდა დაველოდოთ მოვლენების განვითარებას“, - განაცხადა დავით ბაქრაძემ.
ცნობისთვის, მინსკში „ნორმანდიული ოთხეულის“ შეხვედრა 16:00 საათზე მეტხანს დახურულ კარს მიღმა მიმდინარეობდა. მასში მონაწილეობა გერმანიის კანცლერმა ანგელა მერკელმა, საფრანგეთის პრეზიდენტმა ფრანსუა ოლანდმა, უკრაინის პრეზიდენტმა პეტრო პოროშენკომ და რუსეთის პრეზიდენტმა ვლადიმერ პუტინმა მიიღო. მოლაპარაკების შედეგად დადგინდა, რომ საომარი მოქმედების პირველი ხაზიდან როგორც სეპარატისტების, ასევე უკრაინული არმიის მძიმე ტექნიკა გაყვანილი 15 თებერვალს 00:00 საათიდან იქნება  და ცეცხლი შეწყდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა