რუსეთის ფართომასშტაბური ინტერვენციის დაწყების შემდეგ, უკრაინის მოსახლეობა 10 მილიონით, ანუ დაახლოებით, მეოთხედით შემცირდა,- ამის შესახებ გაეროს მოსახლეობის ფონდის წარმომადგენელმა, ფლორენს ბაუერმა ჟენევაში გამართულ პრესკონფერენციაზე განაცხადა.

ბაუერის განმარტებით, კლება განპირობებულია ლტოლვილების დიდი რაოდენობით, შობადობის შემცირებით და ომში დაღუპულებით.

"შობადობის მაჩვენებელი მკვეთრად დაეცა და ამჟამად შეადგენს ერთ ბავშვს ერთ ქალზე, რაც არის მსოფლიოში ერთ-ერთი ყველაზე დაბალი მაჩვენებელი",- განაცხადა გაეროს მოსახლეობის ფონდის აღმოსავლეთ ევროპის განყოფილების ხელმძღვანელმა.

როგორც ბაუერმა აღნიშნა, რუსეთის ინტერვენციამ უკრაინაში არსებული ისედაც რთული დემოგრაფიული მდგომარეობა კიდევ უფრო გაამწვავა.

2021 წლის მონაცემებით, რუსეთის მიერ ფართომასშტაბური ომის დაწყებამდე უკრაინის მოსახლეობა 40 მილიონს შეადგენდა.

ბაუერის თქმით, უკრაინის მოსახლეობაზე ომის გავლენის ზუსტი შეფასება შესაძლებელი იქნება კონფლიქტის დასრულების შემდეგ, როდესაც შესაძლებელი იქნება მოსახლეობის სრული აღწერის ჩატარება.

ავტორი: ექსპრესნიუსი,

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას