ახალგაზრდა იურისტთა ასოციაციის თავმჯდომარე ანა ნაცვლიშვილმა მამუკა ახვლედიანს თბილისის საქალაქო სასამართლოს თავმჯდომარეობიდან გადაყენების საკითხის გაფართოებულ ფორმატში განხილვა შესთავაზა. 

ნაცვლიშვილის განმარტებით, თუ ამგვარი ფორმატი ჩატარდება, მასში მონაწილეობას იუსტიციის უმაღლესი საბჭოს წევრები, მამუკა ახვლედიანი და დაინტერესებული პირები მიიღებენ.  საკითხის გაფართოებულ ფორმატში განხილვის შესაძლებლობას იუსტიციის უმაღლესი საბჭოს რელგამენტი ითვალისწინებს:

"საბჭოს თავისი რეგლამენტით აქვს ასეთი შესაძლებლობა, რომ საკითხი განიხილოს გაფართოებულ ფორმატში, რაც გულისხმობს საბჭოს წევრების მონაწილეობას და სხვა დაინტერესებული პირების  ჩართულობას. ეს ფორმატი აქამდე გამოყენებული არ ყოფილა, რაც ძალიან სამწუხაროა იმიტომ, რომ ბევრი საკითხი იხილება საბჭოში, რომელიც  შეიძლება უფრო ფართო საზოგადოების ინტერესის საგანი იყოს, ვიდრე თავად საბჭოს წევრების.

ჩვენ, რა თქმა უნდა, თავად საბჭოს ჩვეულებრივ სხდომებსაც ვესწრებით, მაგრამ  გაფართოებული ფორმატი სხვა უფლებამოსილებას ანიჭებს დამსწრე პირებს, ვიდრე ის, რომ მონიტორინგით ვაკვირდებით ამ პროცესებს. ამიტომ დღეს უბრალოდ იდეის დონეზე შევთავაზე ახვლედიანს, რომ  მიმართოს  საბჭოს გაფართოებულ ფორმატში, სადაც ერთის მხრივ საბჭო და მეორეს მხრივ ახვლედიანი და მესამეს მხრივ სხვა დაინტერესებული პირები შევძლებთ საკითხის მოსმენას, ყველა პოზიციის მოსმენას ერთ ფორმტაში და ჩვენი შეხედულებების დაფიქსირებას. მიუხედავად იმისა ჩატრდება თუ არა გაფართოებული ფორმატი და კონკრეტული მსჯელობა წარიმართება, სამართლებრივი თვალსაზრისით, ის გადაწყვეტილება, რაც გუშინ საბჭომ მიიღო, არის უკანონო და დარჩება უკანონოდ", -განაცხადა ანა ნაცვლიშვილმა.

შეგახსენებთ, გუშინ იუსტიციის უმაღლესმა საბჭომ თბილისის საქალაქო სასამართლოს თავმჯდომარე მამუკა ახვლედიანი გადააყენა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას