2016-02-22 16:22:58, 790 ნახვა
სამართალი
ნინო გვენეტაძემ თბილისი საქალაქო სასამართლოს თავმჯდომარის გადაყენების მიზეზებზე ისაუბრა
იუსტიციის უმარლესი საბჭოს თავმჯდომარის ნინო გვენეტაძის განცხადებით, მამუკა ახვლედიანის თბილისის საქალაქო სასამართლოს თავმჯდომარეობიდან გადაყენების მიზეზი საქმის წარმოების პრობლემებია, რომელიც მისივე განმარტებით, ახვლედიანის მიერ გამოცემული ბრძანებების შესაბამისად ფიქსირდება.
"მოწმეთა დაკითხვის წესთან დაკავშირებით გარდაუვალი გახდა ყველა იმ ნორმატიული აქტის გადახედვა ბრძანების სახით, რომელიც საქალაქო სასამართლოში იყო შემოღებული და ამ ბრძანებების შესწავლის დროს გამოიკვეთა სერიოზული დარღვევები საქმეთა განაწილების წესთან დაკავშირებით,"-განაცხადა გვენეტაძე და დასძინა, რომ ახვლედიანის გათავისუფლება მის ბოლოდროინდელ განცხადებებთან კავშირში არაა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
