უკრაინის პრეზიდენტი ვოლოდიმირ ზელენსკი მომავალ კვირაში ამერიკის შეერთებულ შტატებს ეწვევა. ამის შესახებ ინფორმაციას უკრაინის პრეზიდენტის პრესმდივანი სერგეი ნიკიფოროვი ავრცელებს.

ნიკიფოროვის თქმით, შეხვედრები ამერიკის შეერთებული შტატების პრეზიდენტ ჯო ბაიდენთან, ვიცე-პრეზიდენტ  კამალა ჰარისთან და  აშშ-ის ყოფილი პრეზიდენტთან და "რესპუბლიკური პარტიის" პრეზიდენტობის კანდიდატ დონალდ ტრამპთან გაიმართება.

"ვოლოდიმირ ზელენსკი შეხვდება აშშ-ის პრეზიდენტ ჯო ბაიდენს, რათა წარუდგინოს მას "გამარჯვების გეგმა". უკრაინის სახელმწიფოს მეთაური იმედოვნებს, რომ განიხილება ამ გეგმის დეტალები, ასევე უკრაინის მხარდაჭერის საკითხი შეერთებული შტატების მხრიდან", - განაცხადა ნიკიფოროვმა.

გარდა ამისა, ვოლოდიმირ ზელენსკი დაესწრება გაეროს გენერალურ ასამბლეას, ასევე, გენერალური ასამბლეის ფარგლებში, გამართავს ორმხრივ მოლაპარაკებებს სხვადასხვა ქვეყნის ლიდერებსა და საერთაშორისო ორგანიზაციების წარმომადგენლებთან.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა