2024-09-15 18:35:58, 534 ნახვა
პოლიტიკა
ზახაროვა - დასავლეთს არაერთხელ ჩაუნერგავს ადამიანი-ტერმინატორები - მოლდოვაში - სანდუ, უკრაინაში - ზელენსკი, საქართველოში - სააკაშვილი
დასავლეთმა მოლდოვის პრეზიდენტი მაია სანდუ მოიყვანა ხელისუფლებაში, როგორც "ადამიანი-ტერმინატორი", ისევე, როგორც ვოლოდიმირ ზელენსკი უკრაინაში. უპირველეს ყოვლისა, ეს ადამიანები ძირს უთხრიან თავიანთი სახელმწიფოების ტრადიციულ საფუძვლებს,- ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ TASS-ს განუცხადა.
ზახაროვას თქმით, საქართველოში "ადამიანი-ტერმინატორი სააკაშვილი იყო".
"ასეთი ადამიანები დასავლელებს არაერთხელ ჩაუნერგავთ. მოდი, ჩამოვთვალოთ გვარები. მოლდოვაში ეს არის სანდუ, უკრაინაში - ზელენსკი, საქართველოში სააკაშვილი იყო. ეს ადამიანი-ტერმინატორები იმ მომენტში ფეთქდებიან, როდესაც დასავლეთში ღილაკს აჭერენ",- განაცხადა ზახაროვამ.
ავტორი: ექსპრესნიუსი,
epn.ge (@expressnews.ge)
