9 ნაბიჯი ყველასთვის ცნობილია, რისი შესრულება ევალება ხელისუფლებას, მაგრამ ახლა მეათეც არის დამტკიცებული, რაც "აგენტების" კანონის გაწვევას უკავშირდება,- ამის შესახებ საქართველოში ვიზიტით მყოფმა გერმანიის ბუნდესტაგის წევრმა, ნილს შმიდმა განაცხადა.

როგორც შმიდმა თბილისში გამართულ პრესკონფერენციაზე აღნიშნა, "ამ პოლიტიკით საქართველო  ევროპას ვერ დაუახლოვდება".

"ძალიან შეშფოთებულები ვართ საქართველოში ბოლო დროს განვითარებული მოვლენებით. ძალიან მკაფიო "მესიჯები" გვაქვს: პირველი - ჩვენ ველოდებით თავისუფალ და სამართლიან არჩევნებს. ქართველ ხალხზე იქნება დამოკიდებული, რა შედეგით დასრულდება არჩევნები. ამიტომ, მნიშვნელოვანია, რომ ყველამ მიიღოს მასში მონაწილეობა და დემოკრატიულ პროცესებს ხელი არ შეუშალოს. "ქართული ოცნების" ამჟამინდელი პოლიტიკა იმაზე მეტყველებს, რომ საქართველოს არანაირი პერსპექტივა არ აქვს, განაგრძოს ევროინტეგრაციის პროცესი. ეს ნათელი და ცხადია. აქ 4 პარტია ვართ წარმოდგენილი, ბუნდესტაგის უმრავლესობას წარმოვადგენთ და პირდაპირ გეტყვით, რომ ამ პოლიტიკით საქართველო ვერ დაუახლოვდება ევროპას. 9 ნაბიჯი ყველასთვის ცნობილია, რისი შესრულება ევალება ხელისუფლებას, მაგრამ ახლა მეათეც არის დამტკიცებული, რაც "აგენტების" კანონის გაწვევას უკავშირდება",- განაცხადა ბუნდესტაგის წევრმა.

ავტორი: ექსპრესნიუსი,

სოციალური ქსელები

გიგა ფარულავა - ლევან მაჭავარიანს დაუწერეს და დაადებინეს ეს კონკრეტული განცხადება

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება