2024-09-05 11:58:10, 332 ნახვა

---

კობახიძე - „სირცხვილია" იყო იმ აქციების ერთ-ერთი მთავარი ორგანიზატორი, რომელიც „გამჭვირვალობის შესახებ კანონს" რაცხავდა რუსულ კანონად და საბოლოო ჯამში აღიარა

ორგანიზაცია "სირცხვილია" იყო იმ აქციების ერთ-ერთი მთავარი ორგანიზატორი, რომელიც "გამჭვირვალობის კანონს" რაცხავდა რუსულ კანონად და საბოლოო ჯამში, "სირცხვილიამ" აღიარა ის, რომ არავითარი რუსული კანონი ეს არ არის - ამის შესახებ საქართველოს პრემიერ-მინისტრმა, ირაკლი კობახიძემ გადაცემა "იმედი LIVE"-ში განაცხადა.

როგორც კობახიძემ აღნიშნა, 450-ზე მეტმა ორგანიზაციამ მიმართა იუსტიციის სამინისტროს რეგისტრაციის პირველადი განაცხადით, რაც არის კიდევ ერთი მტკიცებულება იმისა, რომ კანონი არის აბსოლუტურად სუფთა და გამართული იურიდიული თვალსაზრისით, არ ახლავს არავითარი სტიგმატიზაცია და შეზღუდვები.

"სირცხვილიამ" აღიარა ის, რომ არავითარი რუსული კანონი ეს არ არის. უფრო მეტიც, მათ აღიარეს, რომ არავითარი სტიგმატიზაციის პრობლემა არ ახლავს ამ კანონს და აღიარეს, რომ არავითარ ტვირთს არ აკისრებს ორგანიზაციებს, არავითარ შეზღუდვებთან არ არის დაკავშირებული და ა.შ. ეს აღიარა „სირცხვილიამ", მთავარმა ორგანიზატორმა იმ აქციებისა, რომელიც იმართებოდა ამ კანონის წინააღმდეგ.

 როგორ გაგრძელდა პროცესები, ესეც ნახეთ - წავიდა ლიბერალურ-ფაშისტური ბულინგი იმ ორგანიზაციაზე, რომელიც თვითონ გამოირჩევა, პირველ რიგში, სწორედ ლიბერალური ფაშიზმით, ეს არის ორგანიზაცია „სირცხვილია" და თვითონ ვერ გაუძლო იმ მეთოდს, რომელსაც აქტიურად იყენებს ხოლმე. დაამტკიცა, რომ მართლაც სირცხვილია ის ორგანიზაცია, რომელსაც "სირცხვილია" ეწოდება.

ძალიან დიდი სირცხვილია სინამდვილეში ეს ორგანიზაცია ჩვენი საზოგადოებისთვის და ის ორგანიზაცია, რომელიც საზოგადოების უმრავლესობისთვის იყო აქამდე სირცხვილი, დღეს სირცხვილი გახდა თავისივე პარტიული ამხანაგებისთვის - „კოლექტიური ნაცმოძრაობისთვის".

 რეალურად, "სირცხვილიამ" დაადასტურა, რომ არც სტიგმატიზაციის და არც შეზღუდვების პრობლემა ამ კანონს არ ახასიათებს. გარდა ამისა, 450-ზე მეტმა ორგანიზაციამ მიმართა იუსტიციის სამინისტროს რეგისტრაციის პირველადი განაცხადით, რაც არის კიდევ ერთი მტკიცებულება იმისა, რომ ეს კანონი არის აბსოლუტურად სუფთა, გამართული იურიდიული თვალსაზრისით. არ ახლავს არავითარი სტიგმატიზაცია და შეზღუდვები. ყველა დაინახავს, რომ არის 450-ზე მეტი ორგანიზაცია, ისინი ჩვეულებრივად გაივლიან რეგისტრაციას და ამის ერთადერთი შედეგი არის ის, რომ იქმნება ერთადერთი ვებ-გვერდი, სადაც შედის საქართველოს მოქალაქე, ნებისმიერი ადამიანი და იღებს ინფორმაციას ამ ორგანიზაციის დაფინანსების თაობაზე. მეტი არაფერი ხდება და ამას ყველა დაინახავს,"- აღნიშნა კობახიძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი