2015-02-13 10:11:58, 1009 ნახვა
პოლიტიკა
გიორგი მარგველაშვილი გერმანიის ბუნდესტაგის პრეზიდენტს ნორბერტ ლამერტს შეხვდა
საქართველოს პრეზიდენტი გიორგი მარგველაშვილი გერმანიის ფედერაციული რესპუბლიკის ბუნდესტაგის პრეზიდენტს ნორბერტ ლამერტს შეხვდა.
მხარეებმა ორ ქვეყანას შორის არსებული ურთიერთობები განიხილეს და სამომავლო თანამშრომლობის გაღრმავებაზე შეთანხმდნენ. შეხვედრისას საქართველოს პრეზიდენტმა აღნიშნა ევროკავშირთან ასოცირების შეთანხმების რატიფიცირების პროცესში გერმანიის მხარდაჭერის მნიშვნელობა.
მხარეებმა რეგიონში არსებული ვითარებასა და უსაფრთხოების თემებზე იმსჯელეს. საუბარი შეეხო ასევე უკრაინაში მიმდინარე პროცესს, მათ შორის მინსკში გამართულ მოლაპარაკებებს.
შეხვედრის შემდეგ კი ქვეყნის პირველმა პირმა დელეგაციას სამუშაო ვახშამზე უმასპინძლა
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
