ცდილობს, რაღაც კინკლაობაში ჩაგვითრიოს, თუმცა ეს ვერ იქნება ჩვენი დღის წესრიგი,- ასე ეხმაურება პრემიერ-მინისტრი ირაკლი კობახიძე ოლიმპიელების დაჯილდოებასთან დაკავშირებით პრეზიდენტ სალომე ზურაბიშვილის დღევანდელ განცხადებას.

როგორც კობახიძემ ცოტა ხნის წინ გამართულ ბრიფინგზე აღნიშნა, მმართველი პარტია "საკუთარი დღის წესრიგით მოქმედებს".

"რ ვიცი, ცდილობს, რაღაც კინკლაობაში ჩაგვითრიოს, თუმცა ეს ვერ იქნება ჩვენი დღის წესრიგი. ჩვენ ამ კინკლაობაში მას ვერ ჩავყვებით. მას თუ უნდა, შეუძლია, სცადოს, მაგრამ ჩვენ ჩვენი დღის წესრიგით ვიმოქმედებთ. მიღებული პრაქტიკაა, ტრადიციაა, რომ როცა სრულდება ოლიმპიური თამაშები, ტარდება ოფიციალური მიღება. მნიშვნელოვანი იყო ჩვენი მხრიდან ასეთი ღონისძიების დაგეგმვა. შესაბამისად, აქტუალურიც არ არის ეს განცხადება...

დაჯილდოება მისი [სალომე ზურაბიშვილის] საქმეა. როგორც მოგეხსენებათ, დაჯილდოების ცერემონიას ატარებს პრეზიდენტი. მისი საქმეა, ამას როდის გააკეთებს, სად გააკეთებს, ამაში ჩვენ ვერ ჩავერევით. რაც შეეხება თვითონ ღონისძიებას, ეს არის დახვედრის ღონისძიება. რაც შეეხება უშუალოდ ორდენებით დაჯილდოებას, სამწუხაროდ, ეს პრაქტიკა არ იყო დანერგილი. მახსოვს, 2021 წელს როცა გაიმართა ანალოგიური დახვედრა, იქ საერთოდ არ მომხდარა ორდენებით სპორტსმენების დაჯილდოება. მაშინაც გვყავდა ჩვენ დამსახურებული სპორტსმენები. მაგალითად, ლაშა ტალახაძე მაშინ გახდა ორგზის ოლიმპიური ჩემპიონი, თუმცა სალომე ზურაბიშვილს აზრად არ მოსვლია მისი დაჯილდოება არცერთი ორდენით. ეს არის კარგი პრაქტიკა, რომელსაც ჩვენ ვამკვიდრებთ პარლამენტის თავმჯდომარესთან ერთად.

ვფიქრობ, თითოეული ოლიმპიელი, თითოეული მედალოსანი, თითოეული ჩემპიონი იმსახურებს იმ მაღალ ჯილდოებს, რომლებზეც ისინი წარვადგინეთ ჩვენ, მე და პარლამენტის თავმჯდომარემ. დიდი იმედი მაქვს, ისინი ამ ჯილდოებს მიიღებენ. ალბათ, ასე მოხდება, თუ არადა, ოთხ თვეში გვეყოლება ახალი პრეზიდენტი და ის მაინც დააჯილდოვებს, მაგრამ მე ვფიქრობ, ეს უფრო ადრე მოხდება",- თქვა ირაკლი კობახიძემ.

შეგახსენებთ, დღეს, 15 აგვისტოს პრეზიდენტმა, სალომე ზურაბიშვილმა საგანგებო ბრიფინგი გამართა და განაცხადა: "დღეს შემატყობინეს, რომ იქნებოდა ოლიმპიელების დაჯილდოება - მაქვს ორი მიზეზი, რატომაც ასე სასწრაფოდ დაჯილდოება არ შეიძლება".

ავტორი: ექსპრესნიუსი,

სოციალური ქსელები

შენი კარიერის პირველი ნაბიჯები თიბისიში - ანაზღაურებადი სტაჟირების პროგრამა დაიწყო

ქონების გადასახადის ზღვარი ₾100 000-მდე იზრდება, ოცნება ინიციატივას დაჩქარებულად განიხილავს

კიევის რეგიონში რუსული დარტყმების შემდეგ, საწყობს ცეცხლი გაუჩნდა და მის მახლობლად ამიაკის მომატებული დონე დაფიქსირდა

ევროკავშირმა უკრაინისთვის სამხედრო საწვრთნელი მისიის მანდატი 2028 წლამდე გაახანგრძლივა