2024-08-12 12:32:26, 387 ნახვა
პოლიტიკა
კობახიძე მელიაზე თავდასხმის შესახებ - ნებისმიერი ასეთი ინციდენტი მიუღებელია
რა თქმა უნდა, ნებისმიერი ასეთი ინციდენტი არის მიუღებელი,- ამის შესახებ პრემიერ-მინისტრმა, ირაკლი კობახიძემ პარტია "ახალის" თანათავმჯდომარეზე, ნიკა მელიაზე განხორციელებულ თავდასხმასთან დაკავშირებით განაცხადა.
კობახიძის თქმით, არჩევნები საქართველოში მშვიდობიან და მშვიდ გარემოში უნდა ჩატარდეს.
"პრინციპულად მნიშვნელოვანია, რომ არჩევნები ჩატარდეს მშვიდობიან და მშვიდ გარემოში. რა თქმა უნდა, ნებისმიერი ასეთი ინციდენტი არის მიუღებელი. ყველას მოვუწოდებ, თავი შეიკავონ ასეთი აქტებისგან, არჩევნები საქართველოში უნდა ჩატარდეს მშვიდობიან და მშვიდ გარემოში, ეს არის პრინციპულად მნიშვნელოვანი, განსაკუთრებულად მმართველი ძალისთვის",- განაცხადა პრემიერმა.
შეგახსენებთ, გუშინ 11 აგვისტოს პარტია "ახალის" თანათავმჯდომარე ნიკა მელიას სამტრედიაში თავს დაესხნენ.
ავტორი: ექსპრესნიუსი,
epn.ge (@expressnews.ge)
