შუახევის მერი ომარ ტაკიძე, საკრებულოს თავმჯდომარე როსტომ ლორთქიფანიძესთან და ადგილობრივი თვითმმართველობის წარმომადგენლებთან ერთად, ჩირუხის მთაში იმყოფებოდა. ამის შესახებ ინფორმაციას შუახევის მერია ავრცელებს.

მერიის ცნობით, ტაკიძე საზაფხულო იალაღებზე სეზონურად მცხოვრებ მოსახლეობას შეხვდა და მთაში არსებული საჭიროებების შესახებ ინფორმაცია პირადად მოისმინა; ესაუბრა მიმდინარე და დაგეგმილ ინფრასტრუქტურულ პროექტებზე, სოციალურ პროგრამებზე, ჩირუხში ტურიზმის განვითარებასა და სამომავლო გეგმებზე.

"ჩირუხი ზაფხულის სეზონს განახლებული ინფრასტრუქტურით ხვდება. დასასრულს უახლოვდება ჩირუხის ცენტრის კეთილმოწყობა. პროექტის ფარგლებში აშენდა ახალი სპორტული მოედანი, ფანჩატურები, კულტურული ღონისძიებებისათვის განკუთვნილი სცენა. რეაბილიტაცია ჩაუტარდება არსებულ შენობას, მოეწყო გარე განათებები, სველი წერტილები. მიმდებარე ტერიტორია შემოისაზღვრება ლითონის კონსტრუქციით.

მგზავრთა უფასოდ გადაყვანის პროგრამით სარგებლობენ, როგორც ადგილობრივები, ასევე ტურისტები. 

მოიალაღეების პრევენციის მიზნით, ამბულატორიის ექიმების, თსპ-ს ექთნებისა და სამედიცინო ჯგუფების მიერ ხორციელდება ვიზიტები.

აქტიურად მიმდინარეობს, შუახევი- ჩირუხის მთის მიმართულებით ტურისტული მნიშვნელობის საავტომობილო გზის რეაბილიტაცია და ევროპაში ყველაზე გრძელი, ორზოლიანი ზიპლაინის  მშენებლობა.

ტურისტული თვალსაზრისით, ჩირუხი მალე ახალი ტურისტული მიზიდულობის ცენტრი გახდება, რაც ხელს შეუწყობს ეკოტურიზმის, სოფლის ტურიზმის, სათავგადასავლო ტურიზმის, ხეობის კულტურულ-ეთნოგრაფიული ღირებულებების პოპულარიზაციას, ასევე დასაქმებასა და ადგილობრივი ეკონომიკის განვითარებას",- აღნიშნულია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა