2024-07-23 10:42:20, 658 ნახვა
ომი უკრაინაში
უკრაინის საჰაერო ძალები - რუსი ოკუპანტების მიერ გაშვებული 8 „შაჰიდიდან“ 7 ჩამოვაგდეთ
რუსეთის მიერ გაშვებული 8 "შაჰიდის“ ტიპის დრონიდან, უკრაინის თავდაცვამ 7 უპილოტო საფრენი აპარატი ჩამოაგდო. ამის შესახებ ინფორმაციას უკრაინის საჰაერო ძალების სარდალი მიკოლა ოლესჩუკი Telegram-ზე ავრცელებს.
ოლესჩუკის თქმით, რუსეთმა უკრაინას ერთი Kh-69-ის ტიპის მართვადი საჰაერო რაკეტით შეუტია.
"აქტიური კონტრზომების წყალობით, მტრის საჰაერო რაკეტა Kh-69-მ სამიზნემდე ვერ მიაღწია.
თავდასხმის მოგერიებაში ჩართული იყო ავიაცია, საზენიტო-სარაკეტო ნაწილები, მობილური სახანძრო ჯგუფები და ელექტრონული ომის დანაყოფები",- აცხადებს ოლესჩუკი.
ავტორი: ექსპრესნიუსი,
epn.ge (@expressnews.ge)
