დეკანოიძე ხახალეიშვილზე - პარტიის დავალებით ქალაქი მიატოვა და გაიქცა

2024-07-15 14:54:32, 468 ნახვა

პოლიტიკა

პარტიის მიერ დასმულმა მერმა, რომლის არჩევისთვის ადამიანები აშანტაჟეს, ემუქრებოდნენ და გაიტაცეს კიდევაც, პარტის დავალებით ქალაქი მიატოვა და გაიქცა,- ასე ეხმაურება ოპოზიციონერი დეპუტატი ხატია დეკანოიძე ქუთაისის მერის, იოსებ ხახალეიშვილის მიერ თანამდებობის დატოვებას.

დეკანოიძის თქმით, ქუთაისში “ქართულ ოცნებას“ მძიმე მდგომარეობა აქვს - "ქალაქი მთლიანად ოპოზიციურია".

“პარტიის მიერ დასმულმა მერმა, რომლის არჩევისთვის ადამიანები აშანტაჟეს, ემუქრებოდნენ და გაიტაცეს კიდევაც - ქალაქი მიატოვა და გაიქცა, ასევე პარტიის დავალებით.

ქუთაისში მძიმე მდგომარეობა აქვთ "ქოცებს", ქალაქი მთლიანად ოპოზიციურია. ვერ უშველის უსაქმური, ბოუჯეტის ხარჯზე მყოფი პარაზიტების გაგდება“,- წერს დეკანოიძე სოციალურ ქსელში.

შეგახსენებთ, დღეს, 15 ივლისს ქუთაისის მერმა, იოსებ ხახალეიშვილმა თანამდებობის დატოვების შესახებ განაცხადა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,