აჭარის მთავრობის თავმჯდომარე თორნიკე რიჟვაძე, ბათუმის მერთან, არჩილ ჩიქოვანთან ერთად, ბათუმში ავარიული სახლების მშენებლობის მიმდინარეობას გაეცნო. ამის შესახებ ინფორმაციას აჭარის მთავრობა ავრცელებს.

მთავრობის ცნობით, მშენებლობა აქტიურად მიმდინარეობს სელიმ ხიმშიაშვილის ქუჩაზე, სადაც 8-სართულიანი საცხოვრებელი შენდება, ასევე, დაიწყო მშენებლობა მაიაკოვსკის ქუჩაზე, სადაც 12-სართულიანი კორპუსი აშენდება.

მათივე ინფორმაციით, ბათუმი ავარიული სახლების გარეშე პროგრამის ფარგლებში, 1 000-მდე საცხოვრებელი ბინის მშენებლობა 10 მისამართზე მიმდინარეობს. სახელმწიფო მიზნობრივი პროგრამის ფარგლებში, ავარიული სახლების ჩანაცვლების საჭიროების მქონე ყველა პირს, 3 000 ოჯახს ეტაპობრივად გადაეცემა ახალი, თანამედროვე და უსაფრთხო სახლები.

აჭარის მთავრობის თავმჯდომარემ აღნიშნა, რომ მნიშვნელოვანია, დათქმულ ვადებში პროექტების დასრულება, რომ  თანამოქალაქეებს, ბათუმელებს,  მათ ოჯახებს, შვილებს არ უწევდეთ საფრთხის შემცველ გარემოში ცხოვრება.

"ბათუმისთვის, ბათუმელებისთვის ერთ-ერთი ყველაზე დიდი გამოწვევა ავარიული მრავალბინიანი სახლები და ძველი კორპუსები იყო. მოხარული ვარ, რომ აქტიურად მიმდინარეობს სახელმწიფო მიზნობრივი პროგრამა აჭარის მთავრობის და ბათუმის მუნიციპალიტეტის ერთობლივი ინიციატივით, რომლის ფარგლებშიც შენდება ახალი საცხოვრებელი სახლები. შემდეგი 3 წლის განმავლობაში, 3 000 ოჯახი გააგრძელებს ცხოვრებას უსაფრთხო გარემოში. უკვე ათეულობით ლოკაციაზე ჩატარდა შესაბამისი სამუშაოები და ჩვენი, ყველას, საერთო ამოცანაა, რომ დათქმულ ვადებში შევძლოთ ამ პროექტების დასრულება, რომ  ჩვენს თანამოქალაქეებს, ბათუმელებს,   მათ ოჯახებს, მათ შვილებს არ უწევდეთ საფრთხის შემცველ გარემოში ცხოვრება", - განაცხადა თორნიკე რიჟვაძემ.

აჭარის მთავრობის ცნობით, ბათუმი ავარიული სახლების გარეშე სახელმწიფო პროგრამის ფარგლებში დასრულდა 4 მრავალბინიანი სახლის მშენებლობა. ასევე,  დასრულდა ავარიული სახლების რეაბილიტაცია 11 მისამართზე.

ბათუმში ავარიული სახლების მშენებლობის პროცესს ადგილზე გაეცნენ ბათუმის საკრებულოს თავმჯდომარე, აჭარის მთავრობისა და საკრებულოს წევრები.

ავტორი: NS (სტატია დაფინანსებულია),

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა