ზაფხულში ტურისტებს აჭარის მუნიციპალიტეტებში განახლებული ტურისტული საინფორმაციო ცენტრები მოემსახურება, სადაც წელს ადგილობრივი წარმოების პროდუქტები და სუვენირები გაიყიდება.

აჭარის ტურიზმის დეპარტამენტის ტურისტული პროდუქტების განვითარების სააგენტო საინფორმაციო ცენტრების შიდა და გარე დიზაინის განახლებასა და შეცვლას მუნიციპალიტეტებში გეგმავს.

გარდა ამისა, სააგენტო მუნიციპალიტეტის საინფორმაციო ცენტრებში საზღვაო ზოლს მიღმა არსებული ტურისტული მარშრუტების რეალიზაციასაც დაიწყებს. მუნიციპალიტეტის ვიზიტორებს, საშუალება ექნებათ ნებისმიერ ტურისტული მარშრუტი აჭარის სხვადასხვა ტურისტული ობიექტის მიმართულებით საინფორმაციო ცენტრშივე შეიძინოს. სააგენტოს ყველა საინფორმაციო ცენტრებში მიმდინარე წლიდან უკვე შესაძლებელი იქნება აჭარის სხვადასხვა მუნიციპალიტეტისთვის დამახასიათებელი და ადგილზე წარმოებული პროდუქტებისა და სუვენირების შეძენაც.

„ჩვენი რეგიონი მდიდარია და გამოირჩევა, როგორც ადგილზე წარმოებული კვების პროდუქტების, ასევე სუვენირების მრავალფეროვნების მხრივაც. ტურისტს, რომელიც ესტუმრება ტურისტულ საინფორმაციო ცენტრს მაგალითად, ქობულეთში იქვე შეეძლება გაეცნოს, როგორც  ამ მუნიციპალიტეტში არსებულ მარშრუტებს, ასევე ადილობრივი ყოფა ცხოვრების წარმომჩენ პროდუქტებსა და ხელნაკეთ ნივთებს“, - აცხადებს ტურისტული პროდუქტების განვითარების სააგენტოს უფროსი თინათინ ზოიძე.

ამ ეტაპზე სააგენტო მუნიციპალიტეტბში გამოკვეთილი ტურისტული მარშრუტების იდენტიფიცირებასა და სერვისების დაზუსტებაზე მუშაობს. სეზონისთვის ტურისტებს აჭარის ყველა მუნიციპალიტეტში მარკირებული და განიშნულიანებული ტურისტული სამოგზაურო ბილიკები დახვდება.

„ჩვენ ვგეგმავთ მაღალმთიანი აჭარისა და ქობულეთის მზა ტურისტული მარშრუტები ადგილობრივ ტურისტულ სააგენტოებს გადავცეთ. ჩვენი მიზანია ისინი მაქსიმალურად ჩავრთოთ საზღვაო ზოლს მიღმა არსებული ტურისტული მარშრუტების პოპულარიზაციასა და რეალიზაციაში“, - განაცხადა თინათინ ზოიძემ.

ტურისტული პროდუქტების განვითარების სააგენტოს რეგიონში 8 ტურისტული საინფორმაციო ცენტრი აქვს, რომელსაც წელს კიდევ ერთი ბათუმი ცენტრალის შენობაში შეემატება. საინფორმაციო ცენტრების მომსახურება მნიშვნელოვანი სერვისია ტურისტულად აქტიური ქალაქისთვის, რასაც ცენტრებში ვიზიტორთა მზარდი რაოდენობაც მიუთითებს. გასულ წელს რეგიონში ტურისტულ საინფორმაციო ცენტრების მომსახურებით 100 000-ზე მეტმა ტურისტმა ისარგებლა. ცენტრებში ასევე ფუნქციონირებს ცხელი ხაზი 90 90 93 (91),  რომელზედაც  ტურიზმის მიმართულებით ნებისმიერი ინფორმაციის მიღებაა შესაძლებელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო