გერმანიის ელჩი პიტერ ფიშერი საქართველოს საფეხბურთო ნაკრებს ესპანეთის ნაკრებთან შეხვედრაში წარმატებებს უსურვებს და წერს, რომ ეროვნული ნაკრების ევრო 2024-ის მეოთხედფინალში გასვლას ელის.

საქართველო-ესპანეთის მატჩის გამარჯვებული გერმანიას დაუპირისპირდება. 29 ივნისს გერმანიის ნაკრებმა დანიის ნაკრები ანგარიშით 2:0 დაამარცხა და ევროპის საფეხბურთო ჩემპიონატის მეოთხედფინალში გავიდა. გოლები კაი ჰავერცმა და ჯამალ მუსიალამ გაიტანეს.

„კარგი, საქართველო, გელოდებით მეოთხედფინალში! წარმატებები!”, – გამოეხმაურა საქართველოს ნაკრების ევროპის ჩემპიონატში მონაწილეობას გერმანელი დიპლომატი.

საქართველოს საფეხბურთო ნაკრები 30 ივნისს, თბილისის დროით 23:00 საათზე, კიოლნის სტადიონზე უძლიერეს მეტოქე ესპანეთის ნაკრებთან ითამაშებს.

შეგახსენებთ, რომ საქართველოს ნაკრებმა ევროპის ჩემპიონატზე პირველი მატჩი 18 ივნისს თურქეთთან გამართა და 1:3 დამარცხდა. 22 ივნისს საქართველოს ნაკრებმა ჩეხეთთან მატჩი ფრედ, 1:1 დაასრულა და ევროპის ჩემპიონატზე პირველი ქულა მოიპოვა. 26 ივნისს საქართველოს ნაკრებმა ჯგუფური ეტაპის მესამე მატჩში პორტუგალია 2:0 დაამარცხა და ევროპის პირველ ჩემპიონატზე პლეი ოფში გავიდა.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა