ე.წ. უცნობი სიის შესახებ კომენტარი გააკეთა ადამიანის უფლებათა დაცვის კომიტეტის ხელმძღვანელმა ეკა ბესელიამ. მისი თქმით, ეს არ არის უცნობი სია, ის არის საჯარო ინფომრაცია და პროკურატურისთვის არის რიგითი რეკომენდაცია, სადაც კომიტეტი ითხოვს, კონრკეტული პირების შემთხვევაში მოხდეს საქმის ხელახალი გამოძიება.

31 პოლიტპატიმრის სტატუსით გათავისუფლებულთა სია პრესაში გამოქვეყნდა. მასში ყოფილი თანამდებობის პირები და შევარდნაძის მთავრობის წევრები მოხვდნენ. მათ შორის, არიან ყოფილი პრეზიდენტის ედუარდ შევარდნაძის ეკონომიკური მრჩეველი თემურ ბასილია და კოდორის ხეობაში პრეზიდენტის ყოფილი რწმუნებული ემზარ კვიციანი.

„ეს ჩვეულებირივი წერილია, რომელიც 100-ჯერ მაქვს ნახსენები,“ - აღნიშნავს ბესელია. უფრო ვრცელ კომენტარს კომიტეტის თავმჯდომარე მოგვიანებით გეგმავს.

ცნობისთვის, ამ პირთა საქმეების გადახედვას პარლამენტარების ნაწილი 2014 წელს ითხოვდა. ამ ინიციატივას მხარს უჭერდა ადამიანის უფლებათა დაცვის მაშინდელი კომიტეტი, მათ შორის ეკა ბესელიაც.

გაზეთ "ქორნიკა +"-ში სიასთან ერთად ადამიანის უფლებადა დაცვის კომიტეტის რეკომენდაციაც გამოქვეყნდა, რომელიც იმდროინდელ მთავარ პროკურორს გიორგი ბადაშვილს გადაეგზავნა. გაზეთ "ქრონიკა +"-ის რედაქტორის ინფორმაციით, ამ სიაში პირები მოხდნენ, პირადი ინტერსებით.

კომიტეტი ითხოვდა ამ 31 პიროვნების სისხლის სამართლის საქმეების ხელახალ გამოძიებას, ვინაიდან, წერილის ავტორთა თქმით, წინა ხელისუფლების პირობებში  გამოძიების პროცესი შესაძლოა პოლიტიკურად მოტივირებული იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას

მოზარდი, რომელსაც მკვლელობისთვის წარდგენილი ბრალი შეუმსუბუქდა, პატიმრობიდან გაათავისუფლეს