სამხრეთ ოსეთის თვითგამოცხადებულ რესპუბლიკაში მე-8 მოწვევის მარიონეტი პარლამენტის არჩევნებზე კენჭისყრა მიმდინარეობს. საარჩევნო უბნები 20:00 საათამდე იმუშავებს. მათთვის, ვინც ავადმყოფობის გამო ვერ დაესწრება, ხმის მიცემა გათვალისწინებულია სახლში.

ე.წ სამხრეთ ოსეთის მარიონეტი პარლამენტის არჩევნები ტარდება შერეული მაჟორიტარულ-პროპორციული სისტემით: 34 პარლამენტარის ნახევარი არჩეულია პარტიული სიებით, მეორე ნახევარი მაჟორიტარული ოლქებიდან.

არჩევნებში შვიდი პოლიტიკური პარტია მიიღებს მონაწილეობას: „ერთიანი ოსეთი“, „ნიხასი“, კომუნისტური პარტია, სახალხო პარტია, „ხალხის ერთობა“, „ირი ფარნი“, „ერთობა“ და 111 მაჟორიტარი კანდიდატი. აქედან პარლამენტში 17 კანდიდატი პარტიული სიიდან და 17 მაჟორიტარი კანდიდატი შევა.
ხმის მიცემისთვის ღიაა 73 საარჩევნო უბანი, მათგან 71 სამხრეთ ოსეთის ტერიტორიაზე, კიდევ ორი ​​რესპუბლიკის ფარგლებს გარეთ - სამხრეთ ოსეთის საელჩოში მოსკოვში და საკონსულოში ჩრდილოეთ ოსეთში. საერთო ჯამში, არჩევნებისთვის 40 ათასი ბიულეტენი დაიბეჭდა.

ამომრჩეველი იღებს ორ ბიულეტენს - ერთი პოლიტიკური პარტიების მიერ წარდგენილი კანდიდატების რესპუბლიკური სიებისთვის, მეორე ერთმანდატიანი საარჩევნო ოლქებისთვის. ყოველი ბიულეტენი შეიცავს სვეტს „ყველას წინააღმდეგ“, იუწყება საინფორმაციო სააგენტო Res.

ცესკოს პრესცენტრი კენჭისყრის მიმდინარეობისა და წინასწარი შედეგების შესახებ ინფორმაციას მთელი დღის განმავლობაში 23:00 საათამდე მიიღებს. არჩევნებს სამხრეთ ოსური და რუსული მედიის წარმომადგენლები აშუქებენ.

ავტორი: ექსპრესნიუსი,

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს