ზუგდიდის გამგეობაში გავრცელებული თხილის მავნებელ-დაავადებების წინააღმდეგ ჩასატარებელი ბრძოლის ღონისძიებების შესახებ ფერმერების ინფორმირებისთის ტრენინგი გაიმართა.

სოფლის მეურნეობის სამინისტროს სამეგრელო-ზემო სვანეთის რეგიონაური სამმართველოს მოწვევით ზუგდიდის მუნიციპალიტეტს სოფლის მეურნეობის სამინისტროს სამეცნიერო კვლევითი ცენტრის მცენარეთა ინტეგრირებული დაცვის კვლევის დეპარტამენტის უფროსი - ზურაბ ხიდეშელი და მეცნიერ თანამშრომლები - მანანა კერესელიძე და შაქრო ყანჩაველი სტუმრობდნენ.

ზუგდიდის გამგეობის ინფორმაციით, ვიზიტის მიზანი მუნიციპალიტეტში გავრცელებული თხილის მავნებელ-დაავადებების წინააღმდეგ ჩასატარებელი ბრძოლის ღონისძიებების შესახებ ფერმერების ინფორმირება იყო. შეხვედრაზე თხილის მავნებელ დაავადებებზე და მათთან ბრძოლის ღონისძიებებზე ისაუბრეს.

სამეცნიერო კვლევითი ცენტრის ხელმძღვანელმა, ზურაბ ხიდეშელმა დამსწრეებს თხილის გავრცელებულ დაავადებებზე, თხილის კვირტის ტკიპა, თხილის შავი ხარაბუზა, თხილის ქერქიჭამია, თხილის ცხვირგრძელა, თხილის ნაცარი, თხილის ხავსებსა და მღიერებზე, დაავადების გავრცელების მასშტაბებსა და მათთან ბრძოლის გზებზე ინფორმაცია მიაწოდა.

კვლევითი ცენტრის წარმომადგენლებმა იმ ფიტოსანიტარულ მდგომარეობაზეც გაამახვილეს ყურადღება, რომელიც თხილნარებშია შექმნილი და პირველ რიგში დამსწრეებს მათი მოგვარების აუცილებლობისკენ მოუწოდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო