2024-05-22 08:41:06, 641 ნახვა
ომი უკრაინაში
BBC - რუსებმა უკრაინის ენერგოობიექტებზე იერიში მიიტანეს
რუსებმა, "შაჰიდის" ტიპის უპილოტო საფრენი აპარატებით, უკრაინის ქალაქ სუმში ენერგეტიკულ ობიექტებს დაარტყეს. ამის შესახებ ინფორმაციას BBC სუმის სამხედრო ადმინისტრაციის ხელმძღვანელ ალექსეი დროზდენკოზე დაყრდნობით ავრცელებს.
მედიის ცნობით, თავდასხმის გამო, ქალაქი სუმი ელექტროენერგიის გარეშეა.
"მტრის თავდასხმის გამო, ქალაქი სუმი ელექტროენერგიას არ იღებს. ჩვენ ველოდებით აღდგენას და პირველ რიგში, კრიტიკულ ინფრასტრუქტურას უზრუნველვყოფთ", - განაცხადა ადმინისტრაციის ხელმძღვანელმა.
მედიის ინფორმაციით, თავდასხმა სუმის რეგიონის ჩრდილოეთ ნაწილში, ქალაქ შოსკასა და კონოტოპში მდებარე ზოგიერთ ენერგეტიკულ ობიექტებზეც მოხდა.
ავტორი: ექსპრესნიუსი,
epn.ge (@expressnews.ge)
