ღია ვართ იმისთვის, რომ ვისაუბროთ და სიღრმეში შევიდეთ კანონპროექტთან დაკავშირებით, - ამის შესახებ დედაქალაქის მერმა კახა კალაძემ მედიასთან განაცხადა, ევროპის საბჭოს პრეზიდენტის შარლ მიშელის მოწოდების საპასუხოდ, რომელიც კანონპროექტის ირგვლივ დისკუსიის დაწყება ეხება. 

კახა კალაძის თქმით, ხელისუფლება მზადაა დისკუსიისთვის, თუმცა აქამდე ოპონენტების მხრიდან კონკრეტული არგუმენტები არ მოუსმენია. 

„დისკუსიას ვითხოვთ ამდენი ხანია. პრემიერ-მინისტრმა, პარლამენტის თავმჯდომარემ, დეპუტატებმა, მეც არაერთხელ გავაკეთეთ განცხადება, რომ ღია ვართ იმისთვის, რომ ვისაუბროთ და სიღრმეში შევიდეთ აღნიშნულ კანონპროექტთან დაკავშირებით. ის სპეკულაციები, რაც ხდება - მოიფიქრეს ერთი ფრაზა „რუსული კანონი“ და მთელი ამ ხნის განმავლობაში არავის არანაირი არგუმენტი არ აქვს, რატომ არის ცუდი ეს კანონი. გამოდიან და იძახიან, „რუსული კანონი“, „რუსული კანონი“, როგორც ქვეყნის შიგნით, ისე ქვეყნის გარეთ არსებული აქტორები. აგერ ვართ, ბატონო. თქვით, რატომ არის აღნიშნული კანონპროექტი  პრობლემური, რატომ ეწინააღმდეგება გამჭვირვალობა ევროპულ მომავალს, ევროპულ ღირებულებებს. თქვით, მოიყვანეთ ერთი კონკრეტული არგუმენტი. ხომ შეიძლება, რომ ვინმე დალოცვილმა ადამიანმა თქვას რაიმე არგუმენტი?!“, - განაცხადა კახა კალაძემ. 

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა