2024-05-17 13:05:06, 462 ნახვა
პოლიტიკა
ლინკევიჩუსი - საქართველოს ევროკავშირის კანდიდატის სტატუსი არა ხელისუფლების მიღწევების გამო, არამედ ქართველი ხალხის ნების გამო მიენიჭა
ლიეტუვის ყოფილი საგარეო საქმეთა და თავდაცვის მინისტრი ლინას ლინკევიჩუსი საქართველოში „უცხოური გავლენის გამჭვირვალობის შესახებ“ კანონის წინააღმდეგ მიმდინარე მოვლენებს სოციალურ ქსელში ეხმაურება.
როგორც ლინკევიჩუსი აღნიშნავს, „საქართველოს ევროკავშირის კანდიდატის სტატუსი არა ხელისუფლების მიღწევების, არამედ ქართველი ხალხის ნების გამო მიენიჭა“.
„საქართველოს ევროკავშირის კანდიდატის სტატუსი მიენიჭა არა ხელისუფლების მიღწევების გამო, არამედ ამის მიუხედავად და ქართველი ხალხის ნების გამო. ახლა საქართველოს ხელმძღვანელობამ ისტორიული პასუხისმგებლობა უნდა აიღოს, თუ რა მიმართულებით წავა მათი ქვეყანა“, - წერს ლინკევიჩუსი.
ავტორი: ექსპრესნიუსი,
epn.ge (@expressnews.ge)
