წარმოიდგინეთ, ჩვენ, ხელისუფლებას რომ არასწორი ნაბიჯი გადაგვედგა  და დაგვეშვა შეცდომა, მივერთებოდით სანქციებს, გაგვეხსნა მეორე ფრონტი ქვეყანაში, დღეს სად ვიქნებოდით? ჯოჯოხეთი იქნებოდა საქართველოში, - ამის შესახებ დედაქალაქის მერმა, კახა კალაძემ „ღამის კურიერის“ ეთერში, შესაბამისი შეკითხვის საპასუხოდ განაცხადა.  

მისივე თქმით, მაშინ „ქართული ოცნების“ ხელისუფლებამ გადაწყვეტილება საკუთარი ქვეყნის ეროვნული ინტერესებიდან გამომდინარე მიიღო და ამით ქვეყანას ომი აარიდა. 

„გავიხსენოთ, როდესაც დაიწყო რუსეთ-უკრაინის ომი, რა განცხადებები კეთდებოდა იმავე ადამიანებისა და ორგანიზაციების მხრიდან საქართველოსთან მიმართებაში, სანქციების მიერთება-არმიერთებასთან დაკავშირებით. მე ერთი რამ მიკვირს - ჩვენ რა გვგონია, ევროპულ ქვეყნებში ან ამერიკაში პოლიტიკოსებს ირჩევს მოსახლეობა და რისთვის ირჩევს, რომ სხვა ქვეყნის ინტერესები გაატაროს? თუ მათი ქვეყნების ინტერესები გაატარონ? ამიტომ, არ უნდა მოგვერიდოს. პირველ რიგში, არის ჩვენი ქვეყანა და მისი ინტერესები, მერე - სხვა.  ყველას ენაცვალოს ჩვენი თავი, მაგრამ ამ ქვეყნის ინტერესის დაცვა არის უპირველეს  ყოვლისა. სხვა ქვეყნის ინტერესის გატარება ჩემი ქვეყნის ხარჯზე, მიუღებელია. რაც უკრაინაში ხდება, ეს უმძიმესია და მტერს არ ვუსურვებ იმას, რაც იქ ხდება. ბოლო დღეების განმავლობაში კიდევ უფრო მეტი კატასტროფა ხდება. მინდა, გამარჯვება, მშვიდობა ვუსურვო უკრაიანას. ამას არავითარ შემთხვევაში ჩვენს ქვეყანაში არ დავუშვებთ. სიცოცხლის ფასადაც რომ დაგვიჯდეს, ამ ქვეყანას ვერ მივცემთ კუბილიუსებს და მსგავსი ტიპის ევროპარლამენტარებს“, - განაცხადა კახა კალაძემ. 

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა