ბათუმში სერვისის გაუმჯობესების მიზნით საგაზაფხულო ტრენინგები მიმდინარეობს. ამის შესახებ ინფორმაციას აჭარის ტურიზმისა და კურორტების დეპარტამენტი ავრცელებს.

დეპარტამენტის ცნობით, ამჯერად, აჭარის ტურიზმის დეპარტამენტის ორგანიზებით თეორიულ-პრაქტიკული სწავლებები ბარმენებსა და დასუფთავსების სამსახურის თანამშრომლებს ჩაუტარდათ.

„ბარმენები ყა­ვის მო­ხალ­ვი­სა და დაფ­ქვე­ვის ტექ­ნო­ლო­გი­ას, პრო­ფე­სი­ო­ნა­ლუ­რი ყა­ვის მან­ქა­ნებ­სა და მათ ექ­სპლუ­ა­ტა­ცი­ას, ექ­სპრე­სოს, კა­პუ­ჩი­ნო­სა და ლა­ტეს მომ­ზა­დე­ბის სა­ერ­თა­შო­რი­სო წე­სებს, ასე­ვე რძის მომ­ზა­დე­ბის ტექ­ნი­კას, ალ­კოჰო­ლი­ა­ნი ყა­ვის სა­ხე­ო­ბა­სა და მომ­ზა­დე­ბის წესს, ყა­ვის სა­ხე­ო­ბებ­სა და ჯი­შებს გა­ეც­ნენ. ტრე­ნინ­გის და­სას­რულს მო­ნა­წი­ლე­ებ­მა თა­ვად მო­ამ­ზა­დეს სხვა­დას­ხვა სა­ხის ყავა და ლატე არ­ტის (კა­პუ­ჩი­ნოს ზე­და­პირ­ზე ხატ­ვა) ტექ­ნო­ლო­გი­ას და­ე­უფლნენ.

დასუფთავსების სამსახურის საერთაშორისო სტანდარტებს აპარტოტელების, დიდი და მცირე ზომის სასტუმროების თანამშრომლები გაეცნენ. თეორიული სწავლების დასასრულს მათ სასტუმრო ნომრების ბაზაზე პრაქტიკული მეცადინეობები ჩაუტარდათ. საგაზაფხულოს ტრენინგებისას დეპარტამენტმა ჯამში 300-მდე სექტორის წარმომადგენლის გადამზადება შეძლო. ტრენინგები მაისის ბოლომდე გაგრძელდება და მასზე დასწრება სერვისის ვებ-გვერდზე https://serviceajara.ge/ წინასწარი რეგისტრაციითაა შესაძლებელი. ტრენინგი იგეგმება დამწყები გიდებისა და კვების ობიექტების თანამშრომლებისთვისაც, ასევე სპიკერების საჯარო ლექციები ტურისტული სექტორის წარმომადგენლებისთვის“, - აღნიშნულია დეპარტამენტის ინფორმაციაში.

ავტორი: NS (სტატია დაფინანსებულია),

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა