2024-05-01 01:26:51, 493 ნახვა
პოლიტიკა
ენმ - საქართველოში რუსული რეჟიმის წარმომადგენლებმა ლევან ხაბეიშვილი გაიტაცეს
საქართველოში რუსული რეჟიმის წარმომადგენლებმა გაიტაცეს "ნაციონალური მოძრაობის" თავმჯდომარე, პარლამენტის წევრი ლევან ხაბეიშვილი,- ამის შესახებ ნათქვამია განცხადებაში, რომელსაც "ერთიანი ნაციონალური მოძრაობა" ავრცელებს.
პარტია მოუწოდებს შინაგან საქმეთა სამინისტროს, ხაბეიშვილი დაუყოვნებლივ გაათავისუფლონ.
"რამდენიმე წუთის წინ, ბიძინა ივანიშვილის პირადი დავალებით, საქართველოში რუსული რეჟიმის წარმომადგენლებმა გაიტაცეს "ერთიანი ნაციონალური მოძრაობის" თავმჯდომარე, პარლამენტის წევრი ლევან ხაბეიშვილი. დაკავების მომენტში იგი აქციაზე დაშავებულ მოქალაქეს ეხმარებოდა. "ერთიანი ნაციონალური მოძრაობა" მიმართავს შინაგან საქმეთა სამინისტროს, უზრუნველყოს ლევან ხაბეიშვილის ფიზიკური უსაფრთხოება და დაუყოვნებლივ გათავისუფლოს იგი",- ნათქვამია პარტიის განცხადებაში.
ავტორი: ექსპრესნიუსი,
epn.ge (@expressnews.ge)
