2024-04-26 17:14:08, 715 ნახვა
ომი უკრაინაში
უკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
მოსკოვის აეროდრომზე რუსების ვერტმფრენი Ka-32 გავანადგურეთ. ამის შესახებ ინფორმაციას უკრაინის დაზვერვა ავრცელებს.
როგორც უკრაინის დაზვერვის განცხადებაშია აღნიშნული, 2024 წლის 26 აპრილის ღამეს ქალაქ მოსკოვში, რუსეთის თავდაცვის სამინისტროს ოსტაფიევოს აეროდრომზე, მტრის მრავალფუნქციური Ka-32 ვერტმფრენი განადგურდა.
„რუსეთი ამ ვერტმფრენს საოკუპაციო ჯარების ოპერაციების მხარდასაჭერად იყენებდა“, - აცხადებს უწყება.
მათივე ინფორმაციით, აეროდრომი რუსეთის თავდაცვის სამინისტროს ეკუთვნის და ოპერირებს "გაზპრომავიასთან" ერთად, რომელიც "გაზპრომის" ნაწილია.
ავტორი: ექსპრესნიუსი,
epn.ge (@expressnews.ge)
